اولا أزيكم عاملين ايه وحشتوني قوي قوي قوي، بس غصب عني الغيبة دي يعني شوية ضغط شغل بس والله شغل زي العثل لانه مع رئيس سابق كان معانا ورجع لينا تاني شخصية فعلا ماشاء الله لاقوة الابالله المهم بقى الي استفزني للكتابة النهاردة اني قريت خبر حلو عجبني قوي في الصحف ايه هو .
هقولكم اهو.. طبعا أنا مليش في السياسة زي ماانتوا خبرين ولا أنا مع أوباما ولاضده.. المهم بقى بس أنا بصراحة عجبني قوي موقف عملته مدمته وأم بناته وبجد هيخليني لو حبيت تيجي مصر تاني هعزمها على اكلة محشي عنب من اديا مع سلطة زبادي وفراخ بانيه ... أيه بقى الخبر ده هقولكم أهو انا عرفة اني غلسة قوي .. الست ميشيل أطال الله قامتها وزاد في سمرها رفضت تسافر مع جوزها وتيجي مصر ليه ياشوشو يا سمراء البيت الابيض علشان لسة البنتين الحلوين " ساشا وماليا" بيمتحنوا ومش هينفع تسبهم في موسم الامتحانات وتيجي مع أوباما لمصر وتسبهم لوحدهم في ظروف زي دي موقف والله يخيلي الواحد ينحني تقدير ليها على رغم طولي ... لانها على الرغم من منصبها كسيدة أولى للبيض الابيض الا أنها منستش دورها الأساسي كأم ويهمها مصلحة أولادها الي هو دورها الأول والأخير في الحياة .
هتقولولي ليه الموقف ده عجبك هقولكم علشان في ستات اقل منها في منصبها ومستواها التعليمي وبينسوا دايما دورهم الاساسي في الحياة كزوجة وأم ...أنا مش ضد ان يكون للمراة طموحات وعقلية مستقلة ورؤية خاصة في الحياة ده كله من حقها... بس انا ليا رؤية أو وجهة نظر أن الحياة دايما فيها المهم والاهم...أنا شايفة ان عمل المراة مهم بس دورها الاول كزوجة وام أهم ...ويوم ما يكون هناك تعترض بين دورها في الحياة وبين منصبها يبقى الاهم لازم ينتصر على المهم ...
تحياتي ليكي ياميشيل وياريت كل الستات يتعلموا ويشوفوا سيدة البيت الابيض عملت وفضلت ايه عن ايه وبجد انا عند وعدي أنك في الزيارة الجاية لمصر هتلاقي الورق العنب والفراخ البانيه وسلطة الزبادي موجودين ياشوشو بس تيجي ومعاكي اوباما وهعملكم أحلى وأجب ضيافة موووووووووووووواه يا شوشو... ويارب تفرحينا قريب بنجاح "ماليا وساشا" وساعتها ههديلك اغنية "الشاطر يرفع ايده" للانسة ماليا "10 سنوات"... وأغنية " أمورتي الحلوة" للمزمزيل ساشا "3 سنوات"
هناك 13 تعليقًا:
ياريت المستشار الاعلامي لميشيل اوباما ياخد البوست ويترجموا للغة الانجليزية ويوريهولها عشان اكيد لما تعرف انك عزمها على محشي هتسيب العيال والامتحانات وتيجي جررررررررررري
تحياتي
هههههههههههههههههههه
والله عندك حق
وانتى عارفة رأيى طبعا أنه فيه أولويات فى الحياه ومهما كانت طموحات الواحدة ولكن بيتها وجوزها وأولادها أهم طبعا ولو جه الشغل والطموح على حساب جوزها وولادها يبقى تسيب الشغل خالص وتشوف المهم والأولى اللى هو جوزها وولادها
صح يا بت ولا إيه
هههههههههههههههه
والله انا بقول كلام زى الفل
والله انتى اللى عثل
ومركزة قوى مع المودام
بس بلاش محشى
خليها ملوخية
وانا هابقى اجى معاهم
^_^
بوست هايل
واعتقد انك مش بتبعدي عن السياسة في اي حاجة بتكتبيها لان اي شأن حياتي هو من صميم السياسة
وبالرغم من كده موضوعك السياسي ده يعتبر إنساني أكتر منه سياسي
المهم مش هطول علشان منتوهش من بعض
طبعا انا موافقك جدا في وجهة نظرك دي
وده رائع انه يجي من بنت لان منطقك ده هو منطق كتير من الرجالة واللي كتير من البنات بتفكر انه رجعية وتخلف وقهر لحقوق المرأة
تحياتي لرؤيتك المستنيرة
وليد
مكدبش الى قال فى الغرب اسم بلا مسلمين
وفى الشرق مسلمين بلا اسلام
تسلم ايدك
تحياتى
ايامنا الحلوة
************
بقى كده يامشمشة عاوزة ميشيل تسيب الاولاد في الامتحانات دي وتيجي علشان تاكل المحشي ياخراشي ده انا اعبتهولها لحد هناك في طيارة خاصة هو انتي معندكيش اخوات بنات ولاايه يامشمشة مووواه ليكي ياتؤام الروح
بوس بوس
*******
ايوة طبعا انتي ياباشا بيقول كلام في الجون ومعقول جدا منوراني دايما صديقة الكفاح وايوة صح وميت صح ده دي هو كله ضرب ضرب مفيش بوساات
رؤية
****
عثل انا عثل هههههههه تسلميلي يارب يابسكو مصر امال لو مركزتش مع ميشيل اركز مع مين تقصدي يعني مع اوباما.. يعني انتي عاوزة تلعبي في عداد عمري ولاايه صحيح انا طويلة زي ميشيل بس اجي ايه في جمالها .....منوراني ياقمر
عارفة مش عارف ليه
***************
ياخراشي على الكلام الكبير الي دايما تنورني بيه ياخراشي ياولاد وبعدين يا وليد هو الصوح بيتجال عليه غلط عاد ولا ايه منورني دايما وليد ويارب تنور البلد قريب
ممكن
**
صدقت القول يا ممكن وفعلا في الغرب مسلمين بلا اسلام تحياتي ودايما منورني
ياقمر ياعسل
اولا اللى كاتبه الموضوع نسيت تعزم على حله المحشي
ثانيا بجد احلى تحيه لمداماوباما احنا نخليها تيجى تدى درس للمصريات بس فى دى بس
اصلا بناخد اللى يضرنا ونسيب المفيد
تحياتى يااحلى دودو فى الدنيا
يا معلم
ياريتنا فعلا نتعلم
إرسال تعليق