الأربعاء، 10 يونيو 2009

ادي الزين ..وادي الزينة


والله ما عارفة ااقول ايه ولا أكتب أيه بجد الفرحة مش مخلية أي كلام عارفة أطلعه... مع ان الكلام ده شغلنا بس في وسط المشاعر الحلوة بتقف الكلمات وبتعجز عن الخروج ، سيتم بحمد الله عقد قرآن مرمر صاحبة مدونة على الطريق على سمسم صاحب مدونة بيتنا القديم يوم السبت الموافق 20/6 بمسجد الفتح في ميدان رمسيس في تمام التاسعة مساء والدعوة عااااااااامة



مبروك ياأميرة يا صديقة مايقرب من العشر سنوات .. مبروك ليكي ياحبيبتي ان حلمك أكتمل وربنا هيجمعك مع نصفك الاخر الي قبل ما يكون زوج ليكي هو أخ أكبر لينا بطيبته وجدعنته وحنيته على كل الي حواليه ..يارب يتم فرحتك على خير يارب .. فاكرة يامرمر زي اليومين دول السنة الي فاتت تقريبا كان الموضوع لسة بيبدء صحيح مكنتش أول بداية هههههههههههه ... لكن ادينا ربنا اكرمنا و بنينا السد العالي


سمسم يأخ أكبر لينا ... أميرة تحافظ عليها تحطها في عنيك عارفة واثقة والله أنك مش مستني كلام أي حد.. حبك ماشاء الله لاقوة الا بالله واضح لينا كلنا على مرء ومسمع من الجميع.. لأنه موقفش عند مجرد الكلام وظهر للجميع ماشاء الله في كل الي عملته علشان خاطر مرمر ... والافعال فعلا أكبر دليل على بلورة الحب لأنها فعلا بتجسد معنى الحب الي جاء في القرآن وهو المودة ...المتمثلة في ترجمة المشاعر لإفعال وليست مجرد الكلام وبس ..و أميرة هتقدر الحب ده وهيكون بأذن الله الصخرة إلى هتتكسر عليها كل ماتحمله الايام من اشياء لاتروق لكم




مرمر يا صديقة الثانوية والكلية والعمل ... سمسم تحطيه في عويناتك وتغمضي عليه أنتي عارفة طبعا الكنز الي معاكي ..والي ماشاء الله يجمع بين طيبة الأخ وحنية الأب ... عارفة يالمضة هانم اني مش هوصيكي عليه بس بجد ربنا يحفظهولك رجل بمعنى الكلمة إذا قيلت الرجولة فنجدها متجسدة في سمسم ... أدام الله حبك في قلبه ووفقكم الله وملئت السعادة بيتكم وبعد عنكم كل سوء

مبررررررررررررروك ليكم وربنا يسعد قلوبكم بكل الخير وبالرفا والبنين وادي غروووووطة ...لوووووووووووووووووووووووووووووووووووووولي

هناك 18 تعليقًا:

bos bos يقول...

لوووووووووووووووووووووووووووووووووووولى

مبروووووووووووووووك مليون مبروك
وربنا يتم ليهم بخير يارب

وعقبالك يا حبيبتى يارب لما أفرح بيكى كده

وأدى زغروطة كمان
لوووووووووووووووووووووووووووولى

أميرة يقول...

حبيبتي وصديقة عمري
يا من تفهمني وتقرأ عيني قبل أن يقرأها الناس
ربنا يباركلي في قلبك الطيب
وافرح بيكي عن قريب عاجل
"الركبة جاهزة للقرص"

GiGi worled يقول...

الله عليكى
فرحتينى يااجمل قلب عرفته
يارب يباركلهم وعقبالك ياقمر قريب خالث خالث خالث
يارب يسعدك دايما زى مادايما بتسعينا يادودو

Ahmed Talk يقول...

الف مبروك وعقبال السمعين

well يقول...

الف مبروك وعقبال المدونين

بيتنا القديم يقول...

عارفة يا حضرتك...

أنت أجدع وأطيب وأرخم أخت شفتها في

حياتي ...!!

حقولك ليه...

أولاً كلامك حلو وده احنا متعودين عليه

منك...

ثانياً ودي المشكلة خارج من القلب وزي

ما انت عارفة القلب بيحمل نفس زيوت

البصل الطيارة..الزيوت اللي بتخلي

العين تدمع غصب عنك عشان كده رخمة...

ثالثاً وده المهم إني بعترف بفضلك عليا

أنا ومرمر في جمع الشمل وحبك الخطط

البمبي والمصائد الوردي للإيقاع بسموي

وسموها في حفرة البيت السعيد..

(:

من كل قلبي يا بدرية عبد الرحيم حسين

أقولك جزاك الله خيراً على ما قدمتيه لي

انا وأميرة من مواقف طيبة ساهمت بنسبة

تسعة وتسعين في المائة مما نحن فيه الأن..

(:

بجد

بجد

بجد

شكراً لك يا اختي التي لم تلدها أمي..!

أشوفك يوم الفرح ان شاء الله وعقبالك

أنت والمدونيين والمدونات العازبين

والعازبات..آمين..!

شيرين يقول...

انا اسمي مش موجودة ليه يابت انتي ليه مقولتيش اني هحضر الفرح باذن الله عامة ملحوقة ياجماعة انا هحضر الفرح بتاع اميرة واسامة وطبعا ده مش فرح عادي ده فرح قومي

لوووولوي

الف مبروك للعروسين بارك الله لكما وبارك عليكما وجمع بينكما في خير

!!! عارفة ... مش عارف ليه يقول...

الف مبروك

الفرحة هتنط من قلب البوست :)


ربنا يوفقهم إن شاء الله


وعقبال كل البنوتات


وليد

صيدلانيه طالعه نازله يقول...

مبروك ليهم و عقبالك يا قمر و يبقى فرح تدوينى جماعى قريب انشاء الله
بس واضح يا دودو ان جمايلك مغرقاهم على الاخر و حيطقوا من حبهم ليكى

اعشق فى الليل ضوء القمر يقول...

ربنا يبارك فيهم و يجمعهم فى الخير

ويزوج جميع فتيات المسلمين و يعفهن بفضله

اعشق فى الليل ضوء القمر يقول...

على فكره انا سعيد جدا بزيارتك فى مدونتى المتواضعه و اتمنى تكرارها

عاشقة الأحزان يقول...

السلام عليكم

حبيبتى

نورتينى قووى

وان شاء الله اوعدك بالتواصل المستمر

وربنا يديم الود يارب

طبعآ الف مبروك ليها يارب يتمم على خير ويسعد قلبها يارب

وعقبالنا كلنا يارب

دمتى بكل الف خير وود
تحياتى

ايناس

قلب ينبض بالحب يقول...

كل الي جه هنا وبارك للعروسين ميرسيهات ليكم يا شعب وعقبال عنديكم يا شوباب ويا شوبات والي لسة يتخطب والي اتخطب يتجوز والي متجوز يفرح باولاده وعقبال عنديكم .. واشوفكم في الفرح بقى الي هيقدر يجي يجي والي ميقدرش يحاول يجي ويدعي للعريس والعروسة فاهمين ولالا انا هعد الدعوات لو لقيتها ناقة دعوة هعرف سمعني ولا لالا

قلب ينبض بالحب يقول...

اميرة
***
ربنا يباركلي فيكي ياحبيبتي ويتملك على خير يارب يارب ويرزقك الذرية الصالحة يارب واسمعيني يابنت انتي اغلبيه بالعيال سامعة ولالا هههههههههههه اهو بوصيها ياسمسم اهو ايه رياك بالتوصية دي

قلب ينبض بالحب يقول...

بيتنا القديم
*********
العريس حدنا ياجدعاااااااااان .. مبروك ياعرسان يا مجدع ياذوق يانجف بنور ياسيد العرسان.. وبعدين يابني انا معملتش حاجة لكل الكلام الي دمع عنيا ده.. انا كنت زي المشترك الي بيوصل الفيش وبس ههههههههه ايه رايك في التشبيه الغريب ده ..ربنا يسعد قلوبكم يارب ياسمسم يااخي الي مولدتهوش امي والله اخويا وبقولها وانا كلي فخر بيك ربنا يسعدك ويديم مابنا كل الود والاخوة وتظلوا انت واميرة نعمة الاخوان ونعم الصحبة واشيل ولادكم يارب يارب يارب بحبكم قوي وهفضل احبكم الي اخر نفس ليا ومتنسوش نصيحي ياولاد فاكرينها طبعا يالا لولوووووووي

7annen يقول...

حلو اوى الف الف الف مبروووووووووووك

ربنا يتمم بخير وعقبالك ياقمر

حنين

7annen يقول...

انا سعيده جدا لزيارتك ليا بجد نورتينى وربنا يديم بينا التواصل

حاجــ عيال ــات يقول...

عقبالك يابيبو

إعلانات

المشاركات الشائعة