الأحد، 10 يناير 2010

مبروك ياروحي


وسط أجواء من البهجة والفرحة والزئططة أحتفل آل بكر بخطبة ابنتهم المزمزيل شوشو على أبو الهندسة كلها البشمهندس محمد وسط حالة من الاستعدادات والتأهبات ، وأكدت مصادر مقربة من العروس ان المزمزيل كانت في حالة من التوتر والقلق وغيرها من تغيرات ناتجة عن الفرح والانشكاح

الا أن وكالة أفراح منطقة جنوب حلوان الدولية أكدت أن العروس بمجرد ارتدائها للزي الرسمي لليوم المفترج توردت وجنيتها نتيجة لصعود الدم إلى الخدين ، وأشارت إلى أن القمر حقد عليها في ليلة المفترجة لشدة جمالها " الله اكبر في عين الي ما يصلي على النبي "وواصل كسوفه لتاني يوم احتراما لمشاعر العروس .

إلى هنا تنهتي النشرة الاخبارية لوكالة الفرح الدولية ونسال الله أن تكثر أفراحنا ونوصلكم بالمزيد من الاحتفالات ونسمعكم أحلى زغروطة لولوووووووووووووي.


طبعا الي فات ده ناتج عن جو الشغل الي احنا فيه وتاثرنا الشديد بيه ، ونيجي للجد ياولاد واقولكم أن بنتي الكبيرة الي بيني وبنها يجي عشرين يوم احتفلت بخطبتها يوم الخميس الي فات ونظرا لظروف النت اتأخرت في اذاعة الخبر ده وأقدر ااقولكم أن كده ااقدر اغمض عنيا واتكل على الله على السرير بس مش دلوقتي بعد ما افرح بالواد بلال اخويا هو كمان وساعتها احس اني اديت رسالتي في الحياة .

طبعا شوشو كانت قمرية ياولاد وفساتنها الله اكبر حاجة كده فوتوشفيق خالص كمان عريسنا البشمهندس محمد كان حاجة تشرح الصدر ياولاد ربنا يحرسهم من شر عين بدورة المدورة ويكمل لهم على خير .

نسيت ااقولكم ان شيرين ارتكبت غلطة لاتغتفر لها ياولاد وهي اننا واحنا راجعين من الكوافير ادتني موبيلها وقال ايه ابقي صوري يابيبو.. وكانت الطامة الكبرى الصور بلاش احكيلكم عليها ..والي عاوز صور فرحه تتطلع كلها مش باينة يبقى يتصل بيا لاني تقريبا صوري كلها الثقة بالنفس عندها مهزوزة ومرعوشة والحمد لله .

مبروك ياشوشو وربنا يتملك بالخير يارب واشوفك بالفستان الابيض يااااااااااااااااااااارب وساعتها ممكن قلبي يقف من السعادة ماعلينا ممكن تبقوا توصلوه باقرب فيشة وهيشتغل علطول .. وادي غروطة لولووووووووووي.






هناك 17 تعليقًا:

بسمه عبدالباسط يقول...

مبرووووووووووووووووووك يا شيرى

وعقبال الفرح يارب بس أوعى تنسى تعزمينى يومها

وعقبال البت بدرية اللى ما بتعرفش تصور دى

وأبقى فكرينى بقى يوم فرحها أنا وانتى نتوصى بالصور بتاعتها ونطلع لها صور ما تتشافش

هههههههههههههههههههه

مبرووووووووووووووووك فرحانة ليكى قوووووووووووى
والبت بدرية ليها عندى عضة لانها سبقتنى فى الموضوع بس اصبرى ليكى موضوع خاص

مبروووووووووووووك

بسمه عبدالباسط يقول...

وتانى تعليق بأحلى زغروطة

لوووووووووووووووووووولى

لوووووووووووووووولى

غير معرف يقول...

مبروك مبروك مبروك .. مبروك يا شيرويت والدبلة والحمد لله بقت في أدينا عقبال ياااااااااااارب ما تتنقل الناحية التانية ..

بمووووووت فيكي

وعقبالك يارب يا بدورة وأكتبلك بوست كدة علي بلوجر شيرويت .

بدورة أنا كنت عاوزاكي تكتبي عني شوية أني مش جيت وأني زعلانة أوي لأني مش روحت وكنت مستنية اليوم ده بفارغ الصبر والله العظيم شوفتي حكايتي إزاي مؤثرة ..

بحبكوا في الله

داليا

غير معرف يقول...

بدورة تحدثكم ياولاد الي هترد على تعليقات اليوم العروسة شوشو لانها العروسة والي لقاء اخر في فرح قريب ولووووووووولي

أميرة يقول...

حبيبتي شرين
ألف ألف مبروك
وان شاء الله يوم الزفاف آجي مع بنتي بردوه بس تكون خرجت برة وماسكاها في إيدي وأشوف بختها من معازيمكم

غير معرف يقول...

هااااااا احم احم

بيان قسم الاقتصاد ... محيط

" يتشرف قسم الاقتصاد بالموقع الإخباري الفظيع "محيط" ان يتقدم بخالص التهانى والامنيات السعيدة للزميلة "شيري" العسوله داعين الله ان يتم عليها بالخير يااااااااااااااااااااااااااااااااااااااااااااارب"

زيزي هانم

العروسة يقول...

لولولووووووووووي
العروسة تزغرط

عقبالك يابسمة ياقمر يااااااارب افرح فيكي قريب واصورك صور حلوة مش صور زي بتاعت البت بيبو

العروسة يقول...

داليا
*****
ماشي يادودو خلاص ياستي قطعتي قلبي من العياط انا كمان كان نفسي تنوريني اوي وتيجي بس معلش انا عارفة انه مش بايدك ياجميل عقبال زفافاك يااااااارب
ايموووووووه

العروسة يقول...

مرمر
****
ربنا يبارك فيكي يامرمر ويارب بنتك تشوف النور وتيجي بالف صحة وسلامة وتشوفيلها عدلها في الفرح يااوختشي
السترة حلوة للبنات بردو واخطب لبنتك ولا تخطبش لبنت الجيران

وسلامي لزوجك وابقى لمي هدومك وهدومه وهدومي معاكي تخدي ثواب واغسليهم بقى يامرمر

العروسة يقول...

بدورة
******
طبعا يابدورة انتي علامة الجودة اللي كنتي في الفرح الكل عارف بدرية
وصوري يابدرية ويارتني ما فكرت الفوكيرة دي بصراحة نظرتك للكاميرا نظرة غير صائبة يارب تعملي نظارة لحام يمكن تصوبي صحححح

عقبالك ياقمري يارب عقبال ما البسك الفستان الابيض علطوووووول موش عايزين ملون ابيض علطول خلينا نخلص منك هههههه

العروسة يقول...

زيزي هانم
********
ياخراشي ياناس هاتولي النظام اللحام بتاعتي زيزي هانم في بلوجر بتباركلي باسم قسم الاقتصاد قسم الدولارات والمليارات لولولوووووي
ميرسي يازوزو يارب عقبال سين عين امه

romansy يقول...

الف الف مبروك الخطوبه السعيده
ويارب يتتم على خير
يا رب

romansy يقول...

وبالمناسبه دى بهدى الاغنيه القادمه فى برنامجنا الى كل الاخوه والاخوات بحلون الجنوبيه والشرقيه والغربيه
والى العم فى اقاصى الصعيد وكل المناطق اللى حواليها
والى العروسين ونباركلهم بمناسبه الخطوبه السعيده
وبنهديلهم اغنيه البرنامج
ياولاد بلدنا يوم الخميس لبست الدبله وبقيت عريس

اقصوصه يقول...

مبروك للعروسين

والله يتمم لهم على خير

العروسة يقول...

romansy
********
الله يبارك فيك وميرسي اوي للاغاني الوطنية دي هههههههه

عقبالك ان شاء الله

تحياتي

العروسة يقول...

اقصوصه
******
ربنا يبارك فيكي.. ميرسي اووووي

تحياتي

momken يقول...

الف مبروك يا ست بيبو
وعقبال ما نفرح بيكى ونكتبلك كلنا بوستات تهنئه


تحياتى

إعلانات

المشاركات الشائعة