الجمعة، 16 يناير 2009

حتى يغيروا ما بأنفسهم



يقول الله تعالى: ﴿.. إن الله لايغير مابقوم حتى يغيروا مابأنفسهم وإذا أراد الله بقومٍ سوءً فلا مرد له ومالهم من دونه من والٍ ﴾[ الرعد:11


لاني مش بحب اتكلم في السياسة، ولا مجال للحديث فيها الان لان زي ماالمثل بيقول لكل شيخ طريقة وقد أجد من يختلف معي ومن يؤيديني، الا أني سأكون أكثر واقعية وسابعد عن حكاوي لاتقدم شي ولا تأخر ، ولكن ما يشغلني هو شي واحد هو احنا ايه دورنا واحنا بنشوف المشاهد الدموية كل ثانية ، أيه الي عملناه تجاههم، اتبرعنا، قاطعنا... دي كلها امور هايلة جدا وأكيد بتدفعهم للإمام وبتفيد قوي لكن عفوا دي كلها أمور وقتية ، بمعنى أنها بنتهي بإنتهاء أدائها ، ولكن ما نحتاج إليه شي أكثر ثباتا .


محتاجين نظرة على حالنا مع تساؤل بسيط هل حال كل واحد فينا علاقته على ما يرام مع ربه ، هل بينطبق علينا الآية الكريمة (يَا أَيُّهَا الَّذِينَ آمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ) ، هل نصرنا الله حتى يكرمنا بنصره ، نصر الله الذي يتمثل في اتباع ما أمر به واجتناب ما نهى عنه ، بنظرة سريعة على حالنا لانجد أننا ببنصر الله كما يجب حتى يكون النصر من عنده.


كل واحد وواحدة فينا لو كان بيتمنى أن ربنا ينصر أخوانا في فلسطين عليه أنه يعلن أن النصر هيبدأ منه هو وبشي دائم وليس وقتي ، فكيف يأتي لنا واحنا لسة فينا شباب قاعد على القهاوي مستني وظيفة متفصلة ليه ، وبنات لايشغل بالها غير المكياج والموضة ، ورب اسرة لا يقوم بدوره كما أمره ربه ، وسيدة كبيرة حجت بيت الله والكذب على لسانها، وشباب بيلعبوا بعواطف البنات، وأخرين أمام الافلام ... ، وموظف لايتقن عمله ، ومسئول لايتقي الله في منصبه .. أكيد كلنا عارفين قول الفاروق عمر بن الخطاب رضي الله عنه: نحن قوم أعزنا الله بالإسلام فإن ابتغينا العزة بغيره أذلنا الله... بجد كلنا وأنا قبليكم محتاجين ننصر نفسنا علشان ربنا ينصرنا ويثبتنا ... محتاجين نبدأ من الداخل للخارج مش العكس لاننا لو التغيير مجاش من الداخل عمره ما هيجي .


هناك 19 تعليقًا:

http://kasperb4.blogspot.com/ يقول...

المشكلة ان احنا اتولدنا لقينا نفسنا مسلمين كده بالفطرة ومعظمنا للأسف متعلمش الإسلام صح عشان يعرف يعيشه صح
بمعنى تاني، احنا منعرفش قيمة النعمة اللي ربنا فطرنا عليها

اللي بيحصل فينا ده هو سُنة ربنا ف الكون
يمكن عشان نفوق لنفسنا ونبدأ نصلح الخلل

وإلى حد ما الواحد بدأ يشوف شوية تغيير
وشباب كتير مكانتش تعرف حاجة عن قضايا الأمة
بدأت دلوقت تهتم

ربنا يصلح حالنا

قلب ينبض بالحب يقول...

آلام وأمال
*******
ليك حق فعلا يا محمود كتير منا ما يعرفش عن الاسلام غير انه في بطاقته أنه مسلم وبس وده للاسف بيكون في الغالب راجع لانشغال الاهل بالامور المادية قوي ومتناسين الامور الدينية مع ان مافيش اي تعارض وفعلا ربنا اكيد ليه حكمة في كده لانه سبحان وتعالى بيسير كل شي بقدر وربنايقدر الخير

mostafa rayan يقول...

بعد كلامك مافيش كلام تاني يتقال
وياريت كلنا نفهم كدةونبدا نشتغل على نفسنا
كل واحد مننا جواه حاجة كويسة لوقدر يستغلها ويشتغل عليها حاله وحال بلده هيتغير
كل سنةوانتي طيبةوبخير

hasona يقول...

نعم التغيير يبدأ من الداخل
وأقصد من الداخل للخارج
يعني الفرد ثم الأسرة فالمجتمع فالأمة
وعايز أقول ان النواة هي النفس البشرية
ــ،،،،ـ،ـ،
وليقوم كل فرد بدوره حتي تكتمل الصورة
ولنزيد ارتباطنا بالكل لا بالجزء وطرح الأنانية

تحياتي لك

غير معرف يقول...

بيدووووووووو
انتى اختفيتى فين يابنتى
اولا الف الف الف مبروووووووووك على الكتاب وربنا يوفقكو يارب

ثانيا كلامك ميه فى الميه
فعلا احنا السبب فى الى بيحصلنا
بس الى يسمع وينفذ

تسلم ايدك وسلامى يا قمر ومتغيبيش تانى
:))

حاجــ عيال ــات يقول...

السلام عليكم
بيبو ..كلامك جميل وفعلا ممنطق لدرجة كبيرة..وفكرني بمقولة خالتو كانت قالتهالي ..
قلت لها في يوم نفسي اروح أجاهد مع فلسطين ..قالت لي جاهدي نفسك الأول
وفعلا كلامك لحد كبير بيدعو لكده .. وأنا معاكي بدعو الناس تجاهد نفسها

تحياتي ياروح قلبي واعجابي بموضوعك

روابط يقول...

فعلا, لا يغير الله ما بقوم, حتى يغيروا ما بأنفسهم, وحين فتح "عمر بن الخطاب" القدس, أخذ بالأسباب ولم يدعو الله تعالى ان يحررها وهم نائمون بباطن مكة

تحياتى

محمد حمدي يقول...

خبر عنك هنا

http://bloggers-times.blogspot.com/2009/02/blog-post.html

رئـــــيسـة حزب الأحلام يقول...

فعلا التغير هيبدأ من الداخل من تطهير نفوسنا للاسف كل مدى نفوسنا عمالة تضعف مش بتقوى وتقدر تواجه الفساد اللى جوانا الاول وبعد كدة الفساد والاصعب جهاد النفس
تحياتى لكى ياقمر مبسوطة جدا بمعرفتك

الباحث عن الحقيقة يقول...

ايه ده؟؟؟؟؟؟؟؟؟

المدونة دي جميلة اوي

والبوست ده بيدل ان صاحبته بتعرف تحدد الغلط فين

لاااازم نبدأ من أنفسنا

شكرا على البوست وعلى متابعتكم لنا كمان

غير معرف يقول...

مصطفي ريان
********
ربنا يكرمك يا مصطفي ويحعلنا يابر ممن يستمعون القول فيتبعون أحسنه وانت بالف صحة وسلامة يافندم

غير معرف يقول...

حسونة
*****
منورني دايما يافندم وربنا يكرمك على كلامك الي فيمحله فعلا وربنا يعنا على فعل مافيه الخير والصواب لينا يارب

غير معرف يقول...

شيمو
*****
انا اهو يابنوتة والله غيابي كان غصب عني نظرا لظروف مريت بها بس على مين بيدو لسة ثابتة وجودها وزي الفل بفضل الله وربنا يباركلي فيكي دعواتك لينا بنجاح الكتاب وانتي فينك انتي وحشاني خالص

غير معرف يقول...

حاجات عيال
******
بنوتي البسكوتة خالص جوجو فعلا ليكي حق ياقمرية لو كل حاله يدير حاله ععلى باله زي كانت عمرت من زمان تحياتي ليكي يا بسكو مصر

غير معرف يقول...

حازم سويلم
*****
اهلا بيك يافندم في أول زيارة ليا وفعلا كلامك في الجون يافندم ومنقدرش نزايد عليه ودايما منورني

غير معرف يقول...

محمد حمدي
*******
ميرسيهات يافندم علم وينفذ

غير معرف يقول...

رئيسة حزب الاحلام
**************
البننوتة الجميلة منوراني ياقمرية وفعلا لازم كلنا نبدا من جوه يارب نقدر يارب وانا والله اسعد بمعرفة بنوتة مسكرة زيك

غير معرف يقول...

الباحث عن الحقيقة
************
يانهار ابيض مشرفني افندم والله ومنورني وشهادتك تاج فوق راسي ربنا يحفظك يافندم ودايما منورني ومشرفني ربنا يجزيك خير يارب

عمار بن طوبال يقول...

كل واحد قادر يغير نفسه

تكفي الارادة

والقدرة على تنفيذ تلك الارادة في التغيير

وكلو حيبقى تمام

ولكن هل كلنا نملك الارادة والقدرة؟؟؟

إعلانات

المشاركات الشائعة