الخميس، 8 أبريل 2010

نفسي ابقي شريرة

أوقات كتير بتمل من العطاء المستمر في كل شي في اهتمامك بالي حواليك بمراعتك لمشاعرهم بحرصك عليهم بتركيزك على الي بيحبوه والي مش بيحبوه ..لانك بتحس انك بتستنزف وبس بتدي بتدي بتدي ومش لاقي أي عطاء مش لاقي حد يطبطب عليك ويقولك مالك يمكن لانك اوقات بتدي ايحاء للي حواليك انك تمام ومش محتاج اي اهتمام يمكن.
بس بجد انت مش زي ماهما شيفيين انك تمام انت من جواك بتدور على شي مش لاقيه في شي مفتقدهة ..جربت تيجي تشكي همك لحد وتلاقيه يحول منقشتك لحكاوي عن همومه زي ما يكون انكتب عليك في دنيتك تسمع وبس .. نفس اكون شريرة وماهتمش باي حد ..نفسي محطش في اعتباري اي حد اي.
عايزة اعيش لنفسي وبس ميهمنيش غيري انا وبس .. ابطل ضميري يانبني على كل شي وعلى كل غلطة ..نفسي ابقى انا وبس في دنيتي وبس مش مهم عندي اي حد الا ان نفسي قوي أكون شريرة نفسي قوي .. يمكن ساعتها احس اني مش مستغلة ومحدش بيستغل طيبتي وطباعي .. نفسي ابطل طيبة ..وابطل حنية.. نفسي اكون صلبة وقاسية علشان اعرف اعيش.. ليه طلعت كده طلعت بني ادمى بالشكل ده بجد بجد مش حباني كده .. نفسي اقول لنفسي اتغيري للاسوء اتغيري للاسوووووووووووء سمعة اتغييييييييييييييييري علشان متتعبيش مع البشر دي

هناك 16 تعليقًا:

غير معرف يقول...

مش هتقدرى تكونى غير نفسك

شيرين يقول...

أنتي عمرك ماهتعرفي تبقى شريرة وبعدين انتي مفروض تفخري بنفسك لان مفيش حد زيك في الزمن المهبب ده الجواهر الثمينة تبخرت وسط كثرة الذهب الصيني

تحياتي

قلب ينبض بالحب يقول...

حنين
***
يعني اعمل ايه اروح ادبح ليا قطة علشان اكون شريرة ياساتر يارب فاشلة حتى اكون شريرة

قلب ينبض بالحب يقول...

شيرين
****
هقولك ايه مين يشهد للعروسة ماهو انتي صحبتي ولازم تقولي الكلام الكتير عليا ده على العموم ربنا يخليكي ليا وافرح بيكي يارب واشوفك بالفستان الابيض ياااارب عن قريب عاجل

بسمه عبدالباسط يقول...

وأنا كمان نفس الشىء
:((

momken يقول...

يجد البعض متعه فى الاخذ

كما يجد البعض متعته فى المنح والعطاء


تحياتى

غير معرف يقول...

مش هتعرفي تكوني شريرة
عارفة ليه
عشان انتي جواكي ابيض

قلب ينبض بالحب يقول...

ممكن
***
يامرحبة يامرحبة ممكن حدانا ... اتمنى أكون الشخص والله الي بيجد متعة في العطاء دعواتك يافندم ومنورني

قلب ينبض بالحب يقول...

غير معرف بس معروف
*************
جوايا ابيض .. تفتكر الي جواه ابيض بينفع اليومين دول ..اعتقد الي جواه ابيض مش بيقابل غير كل الالوان الغامقة في حياته ..دعواتك اغير البياض للون ينفع اليومين دول

قلب ينبض بالحب يقول...

بسمة عبد الباسط
************
مش عارفة اوصلك ومش فاهمة مالك اتمنى تكوني تمام

شيرين يقول...

على فكرة اللون الأبيض نادر أوي اليومين دول احتفظي بيهيابدورة .. ونصيحة لكل الناس نصيحة بجد اللي يلاقي حد جواه أبيض يتمسك به ومش يخليه يضيع من ايده اوعي يابدورة تتغيري اوعي

اللي عايزني اساعده يبعتلي على المدونة بتاعتي ادخلوها مش هتخسروا حاجة

تحياتي

قلب ينبض بالحب يقول...

شيرين
****
ياحبيبتي انتي شيفاني فلحت في التغيير ماانا خيبة اهو ومش لاقيا غير اللون الي جوايا ده على الرغم اني باكل عثل اسود كتير علشان اغمق ومافيش فايدة

مجرد مدونة يقول...

فعلا مفيش فى الدنيا أجمل من صديق الواحد يحكى له همومه ..
وده شىء نادر جدا ورزق من ربنا
الشاعر كان بيقول:
فعلمت أن المستحيل ثلاثةٌ .. الغول والعنقاء والخل والوفى
لكن موجود وفعلا زى ما ممكن قال، فى ناس متعتها فى العطاء

بيتنا القديم يقول...

بداية شريرة موفقة باذن الله..
كل ما عليك انتظار ليلة مقمرة..
والخروج إلى الغابة أو موقف الميكروباص..
في تمام الساعة اتناشر منتصف الليل..
وعند سماع عواء مرعب استعدي لبشلة في وشك..
وعندها فقط ستلاحظين أن انيابك طويلة..
ومخالبك تنمو بطريقة بشعة..
مع ظهور شعر كثيف على ساعديك الاثنين..
وغلظة في احبالك الصوتية مثل احبال منجد المراتب البلدي..
واخيراً رؤية حواجبك يتعانقان بكثافة مرعبة..
عندها فقط يا عزيزتي استعيذى بالله من الشيطان الرجيم واشربي شوية ميا من القولة واحمدي ربنا على طيبتك...!
(:
يا شريرة..!

قلب ينبض بالحب يقول...

مجرد مدونة
********
اتمنى ان اكون مثل ما تقول ومثل ما قال ممكن منورني وربنا يكرمكم بكل الخير

قلب ينبض بالحب يقول...

بيتنا القديم
******
ابو البنات عندنا يا خراشي ياخراشي ياخراشي ازيك كده وازي سوسو ومرمر وجوجو ونيانا في السعودية وعمتو برضه وعمو ..هههههههه واهالي دار السلام واحلى سلام ... اتريق اتريق ماانت واثق في اختك انها هتفشل في انها هتبقى كده ماهو هطلع لمين شريرة لاخويا ابو البنات ولا لزوجته واختي انتم والله خير صحبة ليا ربنا يباركلي فيكم وشحني كلكم كلكم كلكم سلامي للاسرة

إعلانات

المشاركات الشائعة