قلب ينبض بالحب

الي فات كان حلو بس الي جاي أحلى

2011-10-20T14:37:00.003+03:00

من يومين كده البنت شيرين توضعت كده وهب لقتها بتقولي انها جاية تزورني فطبعا انا انشكحت جدا لاننا على الرغم انها تسكن فوقي بتلات ادوار الا انها يعني مش بتعبرني ماعلينا .

المهم نزلت وقعدت شوية تشربي شاي يابنتي لا عصير لا ...طبعا انا صعبانة عليها فمش عاوزة تخليني اعمل اي شي .

أحلى مافي الموضوع اننا قعدنا نتذكر أيام العزوبية وايامنا في الشغل الايام دي الي كنا بنزهق منها حسنا قوي بطعمها اليومين دول .. وقعدت تقولي فاكرة لما كانت الاوضة كان فيها انجي واميرة ونرمين ونهلة وانتي وانا ولما كانت كل شوية واحدة تتقمص من التانية ونزهق من الشغل وكل المناكفة مع بعض .. دلوقتي الاوضة معدشي ليها طعم .

ضحكت لان الايام دي فعلا مش هترجع لان في منا الي اتجوز واستقال وفي منا الي ربنا اكرمه وراح الوفد وفي منا الي اتجوز وقعد في البيت وفي الي في اجازة وضع ...بس والله ايام حلوتها مش هترجع ايام كانت حلوة بكل مافيها.

واحنا بنتكلم قعدت اضحك على ايام ما كنا بندخل كنتاكي وايام ماكانت نفسنا بتهفنا نضرب سندوتشات كبدة ومخ ، وايام ماكانت بتحب تخرجني من زعلي واخدنا مركب في النيل وبدل ما تخرجني من الاكتئاب دخلتها انا فيه ......وايام وايام وايام .......ايام عدم المسئولية بجد ليها متعهتها .

الخلاصة اننا دايما مبنحسش بحلاوة المرحلة اللا لما بتفوت ونقعد نضحك عليها ........يعني انا واثقة ان شاء الله بعد ما اولادي يكبروا هقعد اضحك على الايام الي بشد فيها شعري وبصوت كل شوية من تعبي وهحمد ربي على نعمتهم .

وبكرة ولادي يدخلوا مدونتي يضحكوا على الي بكتبوه لان الشي الوحيد الي باقي هو الكتابة والسلام ختام

نسيت النوم

2011-06-18T12:47:00.002+03:00

نسيت النوم وايامه .......... اهداء خاص لحبابيب قلبي الي نسوني النوم برغبتي وانا في كامل سعادتي بالسهر والسهد

مااحلى هذه الليالي التي ازهد فيها النوم من اجمل ان امتع عيني بهدايا ربي واجلس اناجيهم واحكي لهم ويحكوا لي

اللهم بارك لي فيما رزقتني وارزقني حسن رعاية هديتك ومنحتك يااااااااااااالله

محمد باشا وشوية مواقف في حياتي

2011-05-06T01:57:00.004+03:00

يااااااااااه بقالي فترة مجتش هنا وحشتني قوي المدونة واركانها ووحشني التواصل مع الاخوة المدونين والمدونات الا ان مشاغل الحياة بقى واخدنا.
طبعا كل الزوار وحشوني جدددددددددا، جيت بقى علشان اقف على بعض النقاط الي في حياتي وفرقت معايا قوي في الايام الي فاتت.
** الاستاذ محمد بن اختي طبعا بيتعلم الكلام ببقى هموت من الفرحة لما بكلم مامته ويسمعها بتقولي ازيك وتناديني باسمي ويقعد يعيط ويقول بووووووووبة ويصر على اخد التليفون علشان يكلمني ........ وطبعا بقى هو مش بيقولي في المكالمة التي تتطول او تقصر غير بوووووبية بطريقة زي الثكر ببقى هدخل جوه التليفون علشان ابوسه وطبعا مامته بتنقل ليا طقوس كلامه معايا التي تبدء من اخذه للتليفون وجلوسه على احدى الخداديات منفردا بنفسها علشان يكلمني تحسوه شخصية كده من يومه.

(( كمان الاستاذ محمد عنده بوارد بلطجية كده متعرفوش جايبها منين لابابه كده ولا خاله كده ولاعمه كده ..بس يصحى الصبح يبص حواليه كده بعصبيه وهب على وش مامته الالم محترم علشان تقوم تجبله المممممممممم وطبعا اذا لم تنساق له سوف تجد نتيجة رهيبة تتمثل في انه يقوم بفتح التلاجة ويقوم منزل كل ما بها من محتويات ويعيش حياته وتبقي هي الي جبته لنفسه واذا كان عجبكم... وياويلنا لو ملاقاش الباااااااادي والبيددددددددددا "الزبادي والبيض يعني المسلوق" اذا به يجلس عند الباب وحالة من الهسترية من الخبط على الباب قال يعني هينزل يجيب الزبادي والبيض من الشارع.

طبعا عقب افطاره وتغيير البابييييييييز على حد قوله ..اذا به يقوم جايب الاسددال لتيتااااااااا علشان تتطلع بيه يتفرج على البوبووووووو "البوبي" وياسلام لو تيتا مش سمعت الكلام بيحاول الدفة على جدوه ويقوم داخل ليه الاوضة ويادددددددددددديدي "يعني يا جدي" علشان يقوم يخرجه ولو جده فايق بيقوم معاه مش فايق بيروح لمين بقى .....لبوووووووووولة "خاله بلال" وده في الغالب بينفذله كل رغباته بيلف بيه ارجاء المجاورة الي ان يتعب ليس الحج محمد الي بيتعب ده خاله وفي الاخر بيدخل بقوة جبرية ليتفقد البيت بان ينادي على كل الاعضاء باسميهم والتي هي كالاتي بوووووووبة ....طااااااااااااااا، ماااااااااااامي "رقيق الواد"

ولو نام بيكون في الغالب نص ساعة علشان يستانف يومه من جديد.

((( في دعاء ليه مفعول جامد معايا في الحياة لم ادعي بيه الا وقدر ربي الاجابة هذا الدعاء هو رضيت بالله ربا وبالاسلام دينا وبمحمد صلي الله عليه وسلم نبيا ورسولا" لم ادخل في موضوع وادعي بهذا الدعاء الا ورضاني ربي احسن رضاء واكرمني كرم جامد.

(( "اللهم اكفني السوء بما شئت وكيف شئت انك على ما تشاء قدير يانعم المولى ونعم النصير" لم اخف من شي او قلقت من موقف وقمت بالدعاء بهذه الكلمات الا وصرف ربي عني السوء بحوله وقوته.

(( اصدقائي والمقربين ليا بحس ببركة دعائهم ليا في كل موقف في حياتي ، وبالاخص امي التي دائما ما تكون قلقة بشاني والتي مهما بذلت من اجلها لااوفيها حقها والله بارك لي ربي فيها وحفظها لي من كل سوء.

((حسبي الله ونعم الوكيل .. لم اقولها في موقف الا وثبتت لي الايام انني على حق وكم من موقف تثبته لي الايام اني كنت على حق وان الله اخذ لي حق مرة واثنين من كل من ظلمني واتي عليا فحسبي الله ونعم الوكيل.

((لاتعامل الناس كما يستحقوا ولكن عاملهم كما يقول لك الله .

وحشتوني قوووووووووووووووي

2011-01-09T21:32:00.004+03:00

لما تلاقي نفسك بتهتم قوي بنفسك ، وبتركز قوي في حياتك في كل شي فيها بكل مافيها وتبقى حريص قوي على حد بعيد عن عينك ومش شفته ، وعلى الرغم من كده بتخاف على نفسك قوي مش علشانك علشانه ده بيبقى شعور واحساس بيعجز اللسان عن وصفه ومش بيشعر بيه غير الي جربه وبس .

ده مش طلاسم ومش فوازير ده احساسيس ومشاعر محدش يعرفها الا الي ربنا انعم عليه بنعمه .........اكده ولا مش اكدددددددددددده

وحشتوني قوي بحلم باليوم الي اشوفكم فيه واشبع عنيا منكم مش بتبعدوا عني ابدا حساكم دايما جنبي بتتحكموا فيا دايما في كل حياتي وانتوا اكيد اكيد عارفين غلاوتكم عندي ........ربنا يجبكم ليا بالسلامة يارب .

طبعا كلامي مفهوم للي يعرفوا بيبو ودول الي يهموني.. ويارب يدعولي في صلاوتهم قوي على اد حبهم ليا يدعولي جامد موت ربنا يمتع عيني بحبايبي

كل عام وانتم بخير

2010-11-14T15:25:00.003+03:00

كل سنة وانتم بخير ويارب السنة الجاية كل من نفسه في شي يحققه ويجعل ايامكم كلها حب

وسعادة وهنا ياااااااااااااااااارب

ولا تنسونا من صالح دعائكم وبلاش تكتروا من اكل اللحمة

إلى متى ؟

2010-06-30T15:24:00.002+03:00

إلى متي يانفس ..إلى متى ؟

غريبة الناس

2010-06-15T11:20:00.002+03:00

غريبة الناس غريبة الدنيا ديا ..................وااااااااااااااااااااااااااااه من الدنيا ديا

كلمات أغنية مرت على مسامعي ومررت معاها امور أخرى

وحشتني الايام دي قوي

2010-06-02T12:34:00.004+03:00

نظرت إليهم حسدتهم على هم فيه من مشاعر وأحساسيس تمنت لو كانت تعيشها

ذهبت بذاكرتها إلى تلك الأيام التي كان النوم يذهب عنها وتجلس الليل بمفردها تنظر إلى أوراقها وتلتهم مافيها

وتظل تستمتع بليلها بمفردها كما لو كانت تتغزل في مذاكرتها وكتبها

فهي في تلك الايام كانت تشعر بأنها مازالت تحيا ، فجو الامتحانات والمذاكرة بالنسبة إليها من أحب الاوقات الي قلبها

تمنت أن تقف في موقفهم وهم يراجعون في الساعات الاخير قبل دخول اللجان

في هذه اللحظات قررت ان تكمل دراستها العليا في العام القادم / نظرت حولها لتجد أن عليها نزول المحطة القادمة استاذنت البنات اللائي امامها وتبسمت لهم متمنية لهم التوفيق والنجاح في حياتهم

لا للانصاف الرجال

2010-05-23T10:06:00.005+03:00

قالتها للمرة المئة لن أقبل بأنصااااااااااااااااااف الرجال ولن ارضى الا بالرجل بمعنى الكلمة

كفاني ما قبلته من أشباه رجال لايملكون قرارت أنفسهم و لايستطيعون اتخاذ قرارت

بإنفسهم دون معاونة ذويهم كفاااااااااااااااني أنصاف رجااااااااااااااال

لأني لست بنصف امراة فهكذا الحياة لابد أن يكون بها تكافؤ

احلالالالالالالالام

2010-05-15T14:50:00.006+03:00

بعد يوم طويل من التعب والارهاق ، صلت فروضها و القت بنفسها فوق سريرها وبمجرد أن غفل جفنها حلمت بهذا الحلم الذي يتكرر منذ وقت طويل ...لاتعلم لماذا ياتي لها بهذه الصورة في الاحلام على الرغم من كونه في الطبيعة غير هذا قامت من نومها على الرغم من تعبها وجلست على سريرها لبعض الوقت وانارة غرفتها ووقفت امام مراتها لعلها تجد تحليل وتفسير لهذا الحلم الذي يلازمها منذ ذلك اليوم ....متسائلة هل هذا الحلم له مخزى؟ ولماذ يأتي دائما عابس متكدر ...؟ لتصل بنفسها إلى حل لايستوعبه عقلها ولكن قلبها فقط مؤمن به نظرت مرة اخرى في مراتها محدثة نفسها هل من الممكن ان يحدث ؟...

رأت في الصالة خيال قادم إليه متسائلا عن سبب وقفتها على هذا النحو لم تجد إجابة وصمتت عن الكلام ورجعت مرة أخرى إلى مرقدها متسائلة عن سبب ذلك.

في اليوم التالي ذهبت لعملها لتخبر صديقتها بما حدث ويحدث كل يوم لتفاجا بصديقتها أنها حلمت لها بحلم مشابه ..ابدت استغرابها ومنذ ذلك اليوم تفكر في وجود تفسير ممكن لهذا الحلم الذي يتكرر لها كل ليلة و يبقيها في حالة ذهول لاتعلم تفسير له .

وحشيني قوووووووووووووي

2010-05-11T09:39:00.007+03:00

وانا مالي بقى عاااااااااا ..عاوزة اروح لك قوي وحشتيني خالص بقالي يجي سنة مشفتكيش ولا رميت نفسي في حضنك والله من ساعة ما شفتك وانا نفسي اجيلك تاني وارمى نفسى جوه احضانك ..وحشتيني قوي يا اسكندرية وحشتيني قوي قوي قوي ..والله فعلا الي يروحك مرة ميقدرشي ينساكي انا لسة تفصايل رحتلي ليكي السنة الي فاتت في يوم 9/4 زي مأكون لسة انبارح ميتك تحفة وجوك بيشفيني قوي وبيخفف عليا همووووووووووووومي يااااااااااااااااااااه أنتي عارفة انك المدينة الوحيدة الي بحبها على الرغم اني مليش ليا أهل فيها أو أي علاقة بها من قريب ولا بعيد .

عارفة نفسي اجيلك أنا ومحمد والبسه المايوه الي جبتهوله للصيف وأنزل أنا وهو البحر علشان أول مرة يصيف تكون مع خالتوه ونلعب أنا وهو على الرملة ..بس مش باليد حيلة .. والله يا اسكندرية الولد سيد أبو محمد عنده شغل ومافيش اجازات الا نادرا .. وأنا نفسي أخرج قوي أنا وحمادة ونلعب مع بعض ..كمان ماما وبلال لسة جايين من رحلة مباركة ومش فارقة معاهم أي رحلة تانية لا ليكي ولا أي شاطى تاني .

البنت أوشا برضه نفسها تزورك زي بالظبط بس نعمل ايه ربنا يهدي ابو السيد وياخد اجازة كده ونطلع نبلبط لينا شوية في احضانك يا اسكندرية نفسي أكل ايس كريبم وأنا ماشية على كوبري المنتزه نفسي أبص لبحرك قوي مش عارفة ليه بحسه الوحيد الي حاسس بيا وبحسه فاهمني وسمعني وانا بكلمه

بجد بجد بجد جوك ميتعوضشي وميتك ملهاش مثيل وبجد بجد وحشتيني قوي قوي قوي قوووووووووووووووووي

نفسي ابقي شريرة

2010-04-08T14:05:00.004+03:00

أوقات كتير بتمل من العطاء المستمر في كل شي في اهتمامك بالي حواليك بمراعتك لمشاعرهم بحرصك عليهم بتركيزك على الي بيحبوه والي مش بيحبوه ..لانك بتحس انك بتستنزف وبس بتدي بتدي بتدي ومش لاقي أي عطاء مش لاقي حد يطبطب عليك ويقولك مالك يمكن لانك اوقات بتدي ايحاء للي حواليك انك تمام ومش محتاج اي اهتمام يمكن.

بس بجد انت مش زي ماهما شيفيين انك تمام انت من جواك بتدور على شي مش لاقيه في شي مفتقدهة ..جربت تيجي تشكي همك لحد وتلاقيه يحول منقشتك لحكاوي عن همومه زي ما يكون انكتب عليك في دنيتك تسمع وبس .. نفس اكون شريرة وماهتمش باي حد ..نفسي محطش في اعتباري اي حد اي.

عايزة اعيش لنفسي وبس ميهمنيش غيري انا وبس .. ابطل ضميري يانبني على كل شي وعلى كل غلطة ..نفسي ابقى انا وبس في دنيتي وبس مش مهم عندي اي حد الا ان نفسي قوي أكون شريرة نفسي قوي .. يمكن ساعتها احس اني مش مستغلة ومحدش بيستغل طيبتي وطباعي .. نفسي ابطل طيبة ..وابطل حنية.. نفسي اكون صلبة وقاسية علشان اعرف اعيش.. ليه طلعت كده طلعت بني ادمى بالشكل ده بجد بجد مش حباني كده .. نفسي اقول لنفسي اتغيري للاسوء اتغيري للاسوووووووووووء سمعة اتغييييييييييييييييري علشان متتعبيش مع البشر دي

صدقة جارية

2010-04-01T17:06:00.003+03:00

الموضوع بالتفصيل
هنا

وبأختصار هو أستكمال لأعمال الخير اللى بيعملها المدونين والمرة دى الدعوة موجهه للجميع وهتبقى إن شاء الله صدقة جارية لينا كلنا

الصدقة عبارة عن المساهمة فى شراء جهاز طبى ( مونيتور ) لخدمة الاطفال المرضى بمستشفى ابو الريش الجامعى
الجهاز تكلفته 15000 جم ( خمسة عشر الف جنيه ) تم توفير مبلغ خمسة الاف جنيه حتى الان من ثمن الجهاز
خطة العمل المقترحة :
الاعلان عن مشروع الصدقة فى بعض المدونات الصديقة بالاضافة الى كل المدونات كل حسب رغبته
- التبرع اختيارى وكل حسب امكانياته حتى لو مبلغ التبرع جنيه واحد .
- طرق التبرع متنوعة سواء كانت بحوالة او بالاستلام باليد او عمل لقاء خيرى بالمستشفى لزيارة المرضى وتسليم التبرعات النقدية للمسئول المستشفى

بالنسبة للتبرع هيكون باحدى الطرق الاتية
-عن طريق حوالة على بنك مصر فرع الاورمان

البيانات المطلوبة لارسال حوالة من اى مكان داخل او خارج مصر
اسم البنك: بنك مصر فرع الاورمان
الاسم رباعى : خالد عثمان هاشم بكر
رقم الموبيل : 0101345140
او الاتصال على نفس الرقم لاستلام المبلغ من المتبرع فى الاماكن القريبة من الدقى والهرم

- عن طريق الاتصال على
خالد همس الاحباب
0101345140
- او التبرع يوم اللقاء 9ابريل بمستشفى ابو الريش الجامعى

وحشتوني

2010-03-25T15:03:00.003+03:00

السلام عليكم ورحمة الله وبركاته.

أزيكم عاملين ايه يارب تكونوا تمام طبعا وحشتوني زي ما وحشتكم بالظبط.....معلش أتاخرت عليكم اليومين دول أصلي كنت مشغولة حبتين في الشغل حبتين الأحداث الي كانت على الساحة الفترة الي فاتت يعني وفاة شيخ الأزهر وتولي الشيخ الجديد وتقرير عنه وكلام من هذا القبيل.

نيجي بقى للمهم ....عاوز أسالكم سؤال صغنون كده هو أنا أما أكون مبسوطة وماشية مبتسمة لازم يكون في حد وراء الابتسامة دي لازم يكون في حب في حياتي أو في إنسان سبب لسعادتي مينفعش أكون بشوشة وعادي وماشية مبتسمة .

هقولكم أيه سبب كلامي في بنوتة كده كل ما تشوفني مبتسمة وده في الغالب طبع فيا مبعرفشي أمشي مبوزة .. الاقيها بتقولي وبخباثة كده ...هو الجميل مبسوط ليه حب جديد ولاأيه ؟ أقوم بصة ليه وقايلة هو لازم أكون سعيدة علشان في حياتي حب ..تقوم ردة وتقولي يعني امال ايه الي يخليكي ماشية متفائلة كده بصراحة بقى هنا أقوم متعصبة وأقولها لا ياستي أن كده لوحدي واخدة اقراص فرح شوية.

وطبعا دي مش أول حد يقولي نفس البوقين دول طنط جارتنا من يومين مقبلني في الميكروباص ازيك وعاملة ايه وكلام من هذا القبيل وبعدين نزلنا مع بعض واتمشينا لحد البيت وأحنا في الطريق قامت قايلة ليا عاملة ايه في حياتك قلتلها فل الفل ياطنط الحمد لله تمام تقوم تقولي هو في حاجة ولاايه في الطريق أقوم ردة عليها وقايلة لها ياطنط هو أنا هتجدد عليكي تقوم ردة وقايلة لا الحقيقة انتي علطول كده حتى وانتي في اي ازمة بتكوني بتضحكي قمت قلتلها وانا بكبر في سري حقيقي " الحمد لله".

السؤال بس الي فاقع مررتي هو السعادة والرضا لازم يكون وراه حاجة... مش ينفع الانسان يكون سعيد لان ربنا اكرمه بصحته وأنه وسط اهله وأنه متميز في عمله ياسبحان الله ...هل يلزم أن يكون هناك شخص في حياتنا علشان يكون وراء السعادة ومن الذي يضمن أن يكون هذا الانسان مصدر سعادة لنا سبحان الله ..نهاية اللهم ارزقنا الرضا بما قسمت لنا .

في يوم الحب ..بحبكم قوي

2010-02-14T10:52:00.004+03:00

على الرغم من أني لبسة النهاردة طقم لونه أحمر الا أني مش قاصدة اني البسه .. بس هقولكم أول ما دخلت الشركة قبلت بنوتة امورة على السلم ولاقتها بتقولي هابي زنلاطين يابيبو ...يااحمررررراتك قلتلها والله ابدا مش الي في بالك خالص انا لبسة الطقم عادي ضحكت وسكتت.

شويتين وطلعت اجيب الشاي باللبن بتاعي من البوفيه لقيت البت دودو صحبتي بتقول هابي بلانطين يا بيبو قلتها وانتي بخير ياشابة ..بس انتي عارفة الي فيها يادود.. قالتلي يابت انتي انتي مش بتحبينا وبتحبي كل الي حواليكي قلتلها بالفعل ...قالتلي خلاص بقى يابيبو يبقى مدام في قلبك حب لكل الي حواليكي يبقى هابي فلانتين عليكي .

المهم اما نزلت وفكرت في كلامها قلت البت دي كلامها منطقي ومية مية ولاقتني فعلا أني بحب كل الناس الي أعرفهم قوي ولازم أقولهم بحبكم فقلت اكتب كلمتين عنهم:

لامي وأبويا : بحبكم قوي قوي قوي لأنكم لولا وجودكم مكنتش انا بحبكم قوي لأنكم بجد شمسي الي مدفياني وقمري الي منورلي حياتي وربنا ما يحرمني منكم ولا من دعائكم.

لاصحابي: أنتوا عارفين أن لولاوجودكم في حياتي أنا مكنتش هقدر اتخطي أي ظروف حصلت ليا في حياتي وقفتكم جنبي ومساندتكم ليا خلتني اتماسك وأبقى كويسة وربنا يخليكم ليا ودايما تكونوا جنبي ودون داعي لذكر أسامي انتوا بجد غاليين عليا وربنا يباركلي فيكم وأشوفكم في كل خير يارب.

أوشا وسيد: بجد مهما قلتلكم على حبي ليكم مش هقدر أعبر.. طبيعي ياأوشا أني أحبك لأنك أختي بس الحب الي جوايا ليكي ده مش عارفة ليه مش حساه حب أخت لأختها حساه حب أم لبنتها ..على الرغم أن الفرق بنا في العمر ثلاث سنين، سيد مكنتش بالنسبة ليا جوز أخت مش عارفة أقولك ايه والله يابني وجودك فرق معايا جامد وفي كام موقف كده استجدعتك فيهم قوي على الرغم انك دايما مبتحبش تدخل في حياتي الا أنك من وقت للتاني بحسك عاوز تتطمن عليا ربنا يكرمك بكل خير.

حمادة: أنت بقى والله ماعارفة أقولك أيه بس والله يابني انت دنيتي وحياتي ومش عارفة الحب ده كله ليك جايبه منين، حاجة كده تشبه الملاك يانهاري بتفرق معايا قوي أما برجع والاقيك في البيت والله بتخلي الضحكة تتطلع من قلبي ياروح قلبي، تعرف أني بحبك من قبل أما أشوفك وتعرف كمان أني كنت متوقعة ملامحك وشكلك وتقاطيعك ، تعرف كمان اني نفسي اشوفك راجل كده وتكون فاهم الرجولة صح زي والدك ماهو لازم تشبه باباك ..نفسي أغمض عنيا وأفتحها الاقيك كبير وتكلمني وتقولي أنا كمان بحبك ياخالتو ياااااااااااه تعرف بكتب ودموعي في عنيا بحبك قوي يابني الي مشلهوش رحمي .

بلبل: طبعا لو قلت الحنية والجدعنة والرجولة هتبقى أنت يا بلال على الرغم أني الكبيرة بس بجد في أوقات كتيرة بحسك انت الكبير ياواد بحسك كده سابق سنك وعقلك الله اكبر عليك ربنا يخليك ويحفظك ليا ..كتير بنتشاكل بس والله انت غالي عندي قوي وعارفة غلاوتي عندك وعارفة أنك نفسك تشوفني في أحسن حال ..بلال حبيبي يااخويا ربنا يكرمك يااغلى أخ في حياتي.

لكل الي عرفتهم ودخلوا حياتي وتعاملت معاهم بجد بجد بجد بحبكم وبتمنى ليكم كل خير في حياتي وربنا يكرمكم ويجزيكم كل خير ويبارك ليكم في حياتكم ويجعل حياتكم كلها حب في حب يارب.

بسر الدعاء والساجدة

2010-02-01T12:35:00.003+03:00

أنا فرحانة جدا جد جدا بفوز منتخابنا .. على الرغم أني مش كروية ومش ليا في موضوع الكورة والحاجات دي

الا اني بجد فرحت قوي بيهم أنبارح لانهم اثبتوا للجميع معنى الرجولة بجد ..

وفعلا المستوى الي لعبوا بيه اكبر دليل على معنى الرجول الصح الي هي احترام + التزام + أخلاق

وياريت ياريت الكل يفهم أن دي الرجولة الصح مش الغطرسة وقلة الذوق وغياب الدين

بجد فرحانة لاننا اثبتنا ان التزامنا واخلاقنا سر نجاحنا .. والي عجبني قوي السجدة الدائمة عقب كل جون طوال مباريات الكأس

وكمان تصريح شحاتة بأن سر الفوز هو توفيق ربنا ... بجد ربنا يبارك فيكم ويكتر من أمثالكم ويجعل الولد محمد بن أوشا اختي في أخلاقكم والتزامكم وخير عون لوالديه

مبروك ياروحي

2010-01-10T12:12:00.003+03:00

وسط أجواء من البهجة والفرحة والزئططة أحتفل آل بكر بخطبة ابنتهم المزمزيل شوشو على أبو الهندسة كلها البشمهندس محمد وسط حالة من الاستعدادات والتأهبات ، وأكدت مصادر مقربة من العروس ان المزمزيل كانت في حالة من التوتر والقلق وغيرها من تغيرات ناتجة عن الفرح والانشكاح

الا أن وكالة أفراح منطقة جنوب حلوان الدولية أكدت أن العروس بمجرد ارتدائها للزي الرسمي لليوم المفترج توردت وجنيتها نتيجة لصعود الدم إلى الخدين ، وأشارت إلى أن القمر حقد عليها في ليلة المفترجة لشدة جمالها " الله اكبر في عين الي ما يصلي على النبي "وواصل كسوفه لتاني يوم احتراما لمشاعر العروس .

إلى هنا تنهتي النشرة الاخبارية لوكالة الفرح الدولية ونسال الله أن تكثر أفراحنا ونوصلكم بالمزيد من الاحتفالات ونسمعكم أحلى زغروطة لولوووووووووووووي.

طبعا الي فات ده ناتج عن جو الشغل الي احنا فيه وتاثرنا الشديد بيه ، ونيجي للجد ياولاد واقولكم أن بنتي الكبيرة الي بيني وبنها يجي عشرين يوم احتفلت بخطبتها يوم الخميس الي فات ونظرا لظروف النت اتأخرت في اذاعة الخبر ده وأقدر ااقولكم أن كده ااقدر اغمض عنيا واتكل على الله على السرير بس مش دلوقتي بعد ما افرح بالواد بلال اخويا هو كمان وساعتها احس اني اديت رسالتي في الحياة .

طبعا شوشو كانت قمرية ياولاد وفساتنها الله اكبر حاجة كده فوتوشفيق خالص كمان عريسنا البشمهندس محمد كان حاجة تشرح الصدر ياولاد ربنا يحرسهم من شر عين بدورة المدورة ويكمل لهم على خير .

نسيت ااقولكم ان شيرين ارتكبت غلطة لاتغتفر لها ياولاد وهي اننا واحنا راجعين من الكوافير ادتني موبيلها وقال ايه ابقي صوري يابيبو.. وكانت الطامة الكبرى الصور بلاش احكيلكم عليها ..والي عاوز صور فرحه تتطلع كلها مش باينة يبقى يتصل بيا لاني تقريبا صوري كلها الثقة بالنفس عندها مهزوزة ومرعوشة والحمد لله .

مبروك ياشوشو وربنا يتملك بالخير يارب واشوفك بالفستان الابيض يااااااااااااااااااااارب وساعتها ممكن قلبي يقف من السعادة ماعلينا ممكن تبقوا توصلوه باقرب فيشة وهيشتغل علطول .. وادي غروطة لولووووووووووي.

سنة راحت بالسلامة وسنة جاية بابتسامة

2009-12-30T22:37:00.003+03:00

كلها ساعات وهنودع سنة كاملة وهنستقبل سنة جديدة أتمنى من الله أن تكون سنة مليانة بالسعاادة علينا كلنا، بس العبرة مش بسنة مرت من عمرنا وسنة جديدة هتتبتدي العبرة مش بالأيام الي بتمر بينا ...العبرة بالي عملناه فيها وقدرنا ننجزه فيها .

لو بصينا لحالنا هنلاقي أن أغلبنا بيعيش بعشوائية قوي يعني بيصحي من النوم إلى بيروح شغله ويجي منه ويقعد قدام التلفزيون أو الكمبيواتر أو بينزل يخرج مع صحابه أو يقعد على القهوة أو لو بنت يبقى شغل وترتيب البيت وغيرها من امور نسائية ...هنلاقينا عايشين حياتنا كده من غير هدف فيها ...اه اغلبنا عايش من غير هدف بيبدء يومه ويقعد يستني نهايته مش راسم ليوم هدف يطلع بيه بيصحي علشان ينام .

هلاقي حد هيقولي بطلي فلسفة... دي مش فلسفة أحنا جاين وعايشين على الارض لهدف كل واحد منا لينا هدف في حياته ،ربنا أما خلقنا كان خلقنا علشان نعمر الارض نفيد ونستفيد مش علشان ناكل ونشرب وننام ونتجوز ونخلف وبس ده كله حلو بس مش كل شي .. بداية السنة الجديدة فرصة للوقوف مع النفس والمراجعة وأحدد ياترى أيه هدفي

_ علاقتي بربي هل محتاجة تتقوي وتبقى في حالة أحسن

_ علاقتي بأهلي محتاج أقويها وأصل رحمي ولا أنا كده شكرا

_ علاقتي بمعارفي هل محتاجة اصفي نفسي من كل زعل شيله من الناس واكون صافي ولا هفضل شايل من الي حواليا وفاكر ليهم كل شي وحش

_ عملي هل محتاج اطور نفسي في بعض المهارات ولا أنا كده تمام والحمد لله

_ للمتزوجين علاقتنا بالطرف التاني هل هي على مايرام ولا الامر محتاج لعمرة وتجديد وتتطوير

_ علاقتي بزملائي واصدقائي ياترى خسرت مين وكسبت مين ومين غلطت في حقه ومين انا تمام معاه

أكيد في أمور تانية غير الي ذكرتها بس بجد الايام الي بتعدي مش هنعرف نرجعها ، محتاجين نقف واقفة نفتكر ايه الي قدرنا نحققه وايه الي مقدرناش وليه مقدرناش نحققه .

كمان محتاجة الي يدخل هنا يشركني بأوقاته السعيدة الي مرت عليه في 2009 ويتمنى ايه في 2010 انا هبدا اهو

طبعا 2009 شفت فيها أغلى إنسان ليا بعد أمي وأبويا وأخواتي وهو روح قلب خالتوه وحياتها كلها والي هيدخلها المورستان قريب "حمادة" ذلك الملاك الذي عندما يضحك اشعر بالدنيا ضحكت ليا في ضحكته.

كمان كان فيها فرح اخويا الغالي واختي الغالية سمسم ومرمر وربنا أكرمهم ببناء اسرة سعيدة.

كمان خبر قراية فاتحة أعز اصدقائي على قلبي دعواتكم بالخير ليها

كمان في 2009 بقيت صافية قوي وقدرت اسامح ناس كتيرة واصبح قلبي ولساني لايحمل لهم غير كل الحب في الله

وايه تاني يابيبيو وايه تاني والله في نعم كتير ربنا اكرمني بيها بس مش حاضرة الان على البال .

المهم اتمنى أن 2010 تبقى فيها كل مايرضى عليا ربي وأهلي ويسعد أختي وزوجها وابنها ويكرم اخي في دراسته ، واتمنى لكل الي اعرفهم كل خير وكل ما يتممنوه وكل سنة وأحنا بالف خير وسعادة وحب ونقاء وصفاء وهدوء بال يااااااااااااااارب وفي الاخر بحبكم لاخر نفس ليا في الحياة

الأم الثانية

2009-12-17T21:36:00.005+03:00

بالأمس رن جرس التليفون ففتحت الاتصال لأجد على الطرف الأخر أحدى معارفي وبعد السؤال والاستفسار عنها وأخبار أولادها وزوجها أكدت لي أن حياتها كلها تمام ولايعكنن عليها حياتها غير حماتها ، فهي الوحيدة التي تمثل العقبة في حياتها

فزوجها والحمد لله يحبها وتحبه ورزقه وفير وما يعننا عليها حياتها التي تفترى عليها أشياء لااساس لها، علاوة على أنها كثيرة الكذب على الرغم من أنها حاجة لبيت الله ، أخذت نفس كبير وقلت لها يا حبيبتي استحمليها أكراما لزوجك وعلى قدر محبتك لزوجك استحمليها فإذا بها ترد عليا لولا خوفي من الله لدعيت عليها بالموت وأقسمت أنها ليست معها فقط لظنت أنها هي التي تغضبها ولكن مع زوجة ابنها الأخر ..

ولأني أعرف حماتها معرفة شخصية وأعرف أن صديقتي هذه لا تكذب لأنها إنسانة ملتزمة وتتقي الله لم أجادل معها كثيرا وطلبتها بأن تحتمل إلى أن يهدي الله النفوس ويهديها لها وأن تحبها مثل والدتها التي فقدتها منذ شبابها وأغلقت التليفون معها .

وانزويت أفكر بيني وبين نفسي هل لو كل حماة أخذت زوجة أبنها في مقام ابنتها أكيد ستجد من يخدمها بعينه ويتمنى لها طول العمر ولا يتمني لها أن يقصر الله عمرها وبعد الوفاة ستدعو لها وربما تتذكرها أكثر من أبنائها ، ماذا لو ركزت الحماة على سعادة أبنها بأن تحسن معاملة زوجته بدلا من تركيزها على أن تكون " فاطمة تعلبة " تلك التي تريد أن تسيطر على الجميع وأن تكون بمثابة الرجل والسيدة في في نفس الوقت والأمر والناهي الذي لاترد له كلمة لاغية شخصية أبنائها ومن ثم يطلق على أبنائها أنهم أولاد أمهاتهم وأنهم معدومي الشخصية .

وحتى يكون الأمر حيادي فأن لزوجة الابن دور أيضا لكسب حماتها بأن تأخذ نية رضاء زوجها من خلال حسن معاملة والدته التي لولا هي ما كان وأن تراعي كبر سنها وأنها تحتاجهم من حولها وأن تجعلها بمثابة أمها التي لاتغضب من تصرفاتها مهما فعلت بها ، أعتقد أن لو فعلت كل زوجة أبن كل هذه الأمور ستكسب زوجها وأمه ويرضى الله عنها ويرضى عنها زوجها .

وفي النهاية همسة في أذن كل زوج .. عزيزي الزوج كن حكيما ومرن واجعل الحق دائما سيد الموقف فلا تأتي على حساب زوجتك فتخسرها ولا على حساب أمك فتكسرها ..كن ماسك العصا من الوسط حتى لاتكسر

الشنكووووووووووتي اتجوز ياولاد

2009-12-01T10:01:00.005+03:00

اخيييييييييييرا ياولاد الولد الشنكوتي اتجوووز ، اه وربنا اتجوز الحمد لله تخلصنا من واحد من الاخوة المدونين بالامس وفي قاعة الفردوس بنادي ظباط النقل تخلصت العزوبية من ايهاب وسلمته للحسناء غدغودة .

وطبعا فرقة وحوش المدونين كانت مشرفة القاعة ومنورة النادي كله بقيادة خيخة والذراع الايمن لها "دوبة" والذراع الايسر" شاهي " وام المدونين الحنون "فاتيما" وكمان البسكوتية بتاعتنا "ميرا" كانت منورانا وطبعا أنا " بيبوووووووووووو" كانت متواجدة وطبعا ياولاد كان العنصر الرجالي بيمثل عنه الأخ "عسقول" الي بيشوف كتير من أخواته المدونين البنات وبيعمل انه مش شايف ولاسامع ربنا يرزقه الصبر علينا .

طبعا بداية من نزول ايهاب من العربية واحنا الفرحة هتفط من عينينا ووسط نوبة من التهليل والتصفير علم ايهاب بوجود فرقة الصعقة وكان فرحان موت ماشاء الله ، كمان الي كان محلي الفرح علاوة على ايهاب وغادة ...هوووووووووووبة اخت ايهاب الي سعدت بالتعرف عليها يوم حفل توقيع الكتاب بتاعي ومامتها الي رحبوا بينا ترحيب كما لو كنا حد من الأهل .." الله طيب مااحنا أهل برضه" ..فعلا ناس على خلق وطيبة واصل ماشاء الله عليهم وصافيين جدا من جوة ربنا يتم فرحتهم يارب يارب ... ولان الاستاذ ايهاب جه متاخر فاحنا يدوب دخل وقعد وروحنا سلمنا عليه وهب استاذنا ... بس والله ياايهاب فرحتنا بيك انبارح كانت غالية قوي علينا وانا شخصيا كنت فرحانة زي مايكون بلال اخويا الي بيتجوز ...صحيح انا اعرفك من حوالي اربع سنين بس والله كاني اعرفك من عشرات السنين ..يارب يارب يارب حياتك كلها تبقى فرح وهنا ياااااااااارب وربنا يرزقك بذرية صالحة لاننا واثقين انك هتكون اب صالح زي ما احنا متوسمين فيك انك زوج باذن الله صالح ... وفي النهاية بارك الله لكما وبارك عليكما وجمع بينكما في خير

اريدك لي

2009-11-16T16:36:00.004+03:00

أريدك أريدك لي وحدي ولا احد يشاركني
أريدك لي أبا يحتويني بعطفه و بقلبه الكبير
أريدك لي أخا أجده وقت ضعفي وحزني
أريدك لي حبيبا حينما أريد إن أكون محبوبة
أريدك لي مطرا حينما يشتد عطشي
أريدك لي شمسا في ليالي الشتاء القارس
أريدك لي قمرا في الليالي المظلمة
أريدك لي كهفا احتمي به من خوفي
أريدك لي فكرا وروحا وذهنا
أريدك لي فارس امام الآخرين
أريدك معي طفلا يتدلل على
أريدك حبيبا أريدك صديقا
فكن كما اتمنى لاكون كما تتمناني

كتاب الله

2009-10-29T11:05:00.002+03:00

ذهب كل شي ولكن سيظل كتاب الله باقي بيننا ..اسئل الله بكل حرف فيه أن يهدينا إلى كل خير ويريح قلوبنا

دكر بط

2009-10-06T12:19:00.004+03:00

الصبح خارجة من البيت وحالتي المزاجية ميت فل وعشرتاشر وده بفضل كوب اليانسون الي الحاجة شربتهولي بالعسل الابيض الي شربته اجباري بعد جولة من الجري وريا في الشقة " بدل مج الشاي عااااااا" مع دعوتين حلوين وماشية وانا مفرفشة كده ومتسلطنة وايه كاني فراشة بتطير في السماء ده لاني قريبة من السما بحكم طولي يعني

قم ايه ركبت الميكروباص ، وانا مزئططة كده وفريش خالص ، لكن منه لله "دكر البط" الي نرفزني وخلى الدم يطلع لنفوخي وكنت هيجري لي حاجة ... هقولكم اهو مين "دكر البط" ده .. وانا راكبة الميكروباص وبعد يجي ساعة كده وربنا اكرمنا والميكروباص خلص تحميل وده لان النهاردة اجازة رسمية بمناسبة ذكرى التاسع من اكتوبر ...الا والاقي صوت طفل بيعيط ابص يمين وابص شمال اشوف الصوت ده جاي منين مش شايفة حاجة ..قلت بيني بهلوس ياولاد وده نتيجة لاني مبطلة الشاي يجي من عشر ساعات كده ... بس لاقيت الصوت علي تاني ... ابص مش لاقيا حاجة ...قلت بس انتي محيرة نفسك ليه يابيبو دي تلاقيها رنة جديدة للموبيل بس انتي مش واخدة بالك لان موبيلك ماركة " الي فات قاديمه مات"..

المهم ماعلينا وصلنا ونزلنا من الميكروباص وانا نازلة لقيت الصوت تاني بصيت والحمد لله لاقيت المصدر اتاريه كان طالع من جنب عمو الي كان قاعد قدامي وانا فاكره انه هو الي قاعد لو حده في الكرسي ومستغربة قاعد ليه على الكرسي الي بيقعد عليه اتنين بس اتاري كانت مراته قاعدة جنب دراعه وشايلة الولد وانا نظري ضعيف ومش واخدة بالي منهم وده لان عمو ماشاااااااااااااء الله فور باي فور

المهم عمو مشي قدامي هو و طنط مراته .. وعمو بسم الله ماشاء الله عليه ...حاطط ايده الاتنين في جيوبه وابص على طنط مراته الاقيها شايلة شنطة البيبي في ايد وشنط هدوم البيبي في الايد التانية والولد بيعط ..بعيد عنكم انا شفت المنظر ولاقيت وشي احمر والدم نطر في عروقي وضرب في راسي واتجننت ..ولاقتني ماشية بكلم نفسي هو ياربي البعيد باااااااارد ولا ماله شايف مراته شايلة الولد وشايلة الشنطة وسامع بكاء ابنه مش شيله عنها شنطة علشان تعرف تشوف الولد ماله بيعيط ليه بدل ماهو عامل زي " دكر البط" الي ريشه منفوش والا البعيد ماله ياربي مبيحسش.. المهم انا بصيت ليهم مرتين والولد بيعيط وهما ماشيين ورايا ان البعيد يفهم ابدا انه يحس ابدا

المهم دخلت ركبت المترو وانا قاعدة دماغي هينفجر وبسال نفسي ...هي الرجوله راحت فين ...اختفت ولا ايه ولا الراجل بيكون في مواقف معينة راجل " وقت ما بحيب يكون راجل" وموافق تانية لا ...وازاي البعيد يوافق انه مراته تمشي شايلة ده كله وهو ماشي كده هي الجارية الي والده ووالدته اشترالهالوه ولاايه.. وانا سالت نفسي وقلت اكيد هو برضه طلع لاقى والده بيعامل والدته كده علشان كده ده مش غريب عليه بس برضه ده مش يشفع ليه ...وبعدين فكرت وقلت ماهو لو فاهم الاسلام صح وازاي كان الرسول الكريم بيعامل زوجاته كان عرف ان الاسلام والدين مش صلاة وصوم وبس ده نظام حياة ومن نظام الحياة اننا نعامل زوجاتنا بالحسنى ..الي رسولنا الكريم كان بيعامل بيها زوجاته لدرجة انه كان بيامر الي بيسوق الجمال يسوقها بهدوء اما يكون نسائه في الهودج ... الموقف بجد غظني يمكن لاني الحمد لله اتربيت على التعاون وشفت ناس قريبة جدا مني بيعاملوه زوجاتهم باسلوب كويس وحطنهم في عنيهم الموقف نرفزني ... بس بجد ياريت الرجالة يكونوا رجالة بجد مش " دكر بط " والسلام ... والي بقى ماشاء الله منتشرين قوووووووووووووووي اليومين دول

صدفة خير من الف ميعاد

2009-09-29T11:14:00.004+03:00

بقالي فترة بتحايل على البنت شوشو صاحبة مدونة أيامنا الحلوة نخرج نروح في أي حتة بس طبعا الفرصة مش متاحة لأن وقت الشغل عندنا مش قليل وممكن يقفل مع الموصلات في حدود 12 ساعة فأحنا يدوب بنخلص الشغل وكل واحدة بتجري على البيت تلحق تنام لها ساعتين علشان تصحى تاني يوم

المهم انبارح كان ورانا مشوار لابد منه فاخدنا نص يوم من الشغل ورحنا مشوارنا وخلصناه على الساعة اتنين ونص كده ، المشوار كان في التحرير قلنا بقى نتمشى لسة قدمنا وقت قاعدنا نتمشي وندخل محل ونطلع من محل للملابس وده لان شوشو هانم عندها هوس شراء ملابس واستحالة تشوف محل ومتدخلهوش من محل لمحل لقينا رجلنا ودتنا لجمال عبد الناصر في منطقة كده تشبه الحسين انا مش اول مرة اروحها بس انبارح كان ليها مذاق خاص لاننا قررنا نتغدى مش داخل المحلات زي قبل كده، قررنا نتغدى على التربيزات الي قدام المحل صحيح كنت مكسوفة حبتين بس بجد الهواء الصافي والجو الي حوالينا وصل بيا لاني بقيت عادي مش عارفة ليه حسيت اني في رمضان وبفطر في الحسين " يمكن لان شوشو كان نفسها نفطر يوم رمضان برة بس مجتش الفرصة يمكن" المهم اتغدينا وكنا على اخرنا من الغداء بس تقولوا ايه الطفاسة اخدت حدودها معانا وقلنا استحالة نكون في وسط البلد ومنرحش زيارة للعبد ونجيب ايس كريم رحنا وجبنا الايس كريم واتمشينا تاني للتحرير كزيادة تاكيد على المحلات ليكون فاتنا محل مدخلنهوش " ربنا على القوي والمفتري يارب"

الجميل في الموضوع ان الجو انبارح كان متسخر لينا قوي مكنشي حر ابدا وكان فيه نسمة هواء شقية كده تفتح النفس على التمشية والاكل الحمد لله ما اخدناش فيه مقلب كان مذاقه عالي قوي.. يمكن لو كنا متفقين اننا نخرج وناويين على الخروجة دي مكناش هنستمتع قوي كده زي انبارح ... نطلع من الحديث ده كله بايه أنه فعلا فعلا رب صدفة خيرا من الف ميعاد وان الواحد مهمها يخطط مش زي ما يكون ربنا بيدبر لنا هو ولما بيريد نخرج وننبسط بيجبلهالنا في وقتها الصح

عيد سعيد عليييييييييييييييييييييينا

2009-09-19T13:57:00.003+03:00

الايام بتمر بسرعة والشهر الكريم مر بنفحاته الطيبة كل سنة وانتو طيبيين وعيد سعيد عليكم يارب يارب

ويارب قبل العام القادم كل الي نفسه في شي ربنا يحققه ليه

كمان عاوزة ااقول يارب يكون الي رمضان نجح في تغييره فينا يستمر معانا طول العام

ويالا يابنات طلعوا البجامات وهاتوا التوكات واعملوا فيونكات فيونكة هنا وفيونكة هنا زي القمرات وكمان أنا هعمل زعروراااااااااات

والشباب الي زي الفل تبطل معاكسات وبصبصات ونفتكر ان كل شي قاعد لينا في امهاتنا وزوجاتنا وبناتنا واخواتنا القمرات

والديان لايموت علشان كده نتقي الله في خروجاتنا في الاعياد

وبلاش نتقل في الكحك علشان نعيد بسلام وامان.... وكمان الرنجة بالراحة شوية دي المعدة لسة يدوب طالعة من صيام

وعيد سعيد يارب يارب علينا وعليكم قولوا امين

خطة رمضانية للفوز بالكنوز الربانية

2009-08-20T09:40:00.005+03:00

يقول الله تعالى : ﴿ يَا أَيُّهَا الَّذِينَ آمَنُوا كُتِبَ عَلَيْكُمْ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ ﴾
صلاة + قيام + قرآن + ذكر + بكاء من خشية الله = رمضان حقيقي ( مقبول بإذن الله )
صلاة + مسلسلات + تدخين + فوازير + أغاني +ملابس ضيقة = رمضان مزيف ( غير مقبول والله أعلم )

والدليل على ذلك.. قول الله تعالى:" قلْ هَلْ نُنَبِّئُكُمْ بِالأَخْسَرِينَ أَعْمَالاً ، الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا، أُولَئِكَ الَّذِينَ كَفَرُوا بِآيَاتِ رَبِّهِمْ وَلِقَائِهِ فَحَبِطَتْ أَعْمَالُهُمْ فَلاَ نُقِيمُ لَهُمْ يَوْمَ الْقِيَامَةِ وَزْنًا ". وقال رسول الله صلى الله عليه وسلم:" ''رب صائم ليس له من صيامه إلا الجوع والعطش''

رمضانُ أقبل قم بنا يا صاح هذا أوان تبتل وصـــلاح
واغنم ثواب صيامه وقيامه تسعد بخير دائم وفلاح
ها هو رمضان قد أقبل بخيره وعطاءه، بكرمه وسخاءه، بمنافعه وتقواه. فلابد من استغلاله في الطاعات حتى نفوز بجنة عرضها الأرض والسموات.

فيا أخي...... بادر بالتوبة النصوح قبل فوات الأوان
أقلع عن معصية الله ...... فرمضان فرصة للتخلص من السجاير والشيشة والتدخين.........رمضان فرصة للتخلص من سماع الأغاني .... رمضان فرصة للتخلص من النظر المحرم ..... رمضان فرصة للتخلص من الاختلاط المحرم.... رمضان من أعظم المناسبات لتدريب النفس على هجر المعاصي.

ويا أختاه ...... بادري بالتوبة النصوح قبل فوات الأوان.
أقلعي عن معصية الله ...... فرمضان فرصة للتخلص من الملابس الضيقة .... رمضان فرصة للتخلص من العطور والبرفانات .... رمضان فرصة للتخلص من الأفلام والمسلسلات...... رمضان من أعظم الفرص لتربية النفوس على الطاعات
قال رسول الله صلى الله عليه وسلم: " أيما امرأة استعطرت، فمرت على قوم ليجدوا ريحها، فهي زانية، وكل عين زانية".

ويقول صلى الله عليه وسلم أيضا :" يا معشر النساء تصدقن، وأكثرن الاستغفار، فإني رأيتكن أكثر أهل النار".
يا أخي .... ابدأ في التغيير ولا تقل :" لا أستطيع " فالله عز وجل يقول :" وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ".
يا أختاه ... ابدئي في التغيير ولا تقولي :" صعب محال " فالله يقول :" إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ ".

فالبداية من عندنا والتوفيق من عند الله.

إخواني ....... قولوا لربكم :" يا ربنا ها نحن بدأنا في التغيير فأعنا على ذكرك وشكرك وحسن عبادتك".
يقول الله تعالى:" (يَا أَيُّهَا النَّاسُ اتَّقُوا رَبَّكُمْ وَاخْشَوْا يَوْمًا لَّا يَجْزِي وَالِدٌ عَن وَلَدِهِ وَلَا مَوْلُودٌ هُوَ جَازٍ عَن وَالِدِهِ شَيْئًا إِنَّ وَعْدَ اللَّهِ حَقٌّ فَلَا تَغُرَّنَّكُمُ الْحَيَاةُ الدُّنْيَا وَلَا يَغُرَّنَّكُم بِاللَّهِ الْغَرُورُ ) ".

إخواني ....... هل تعتقدون أن دخول الجنة سهل ميسر؟!!!
لا والله .... إن دخول الجنة له ثمن غالي لابد من دفعه في الدنيا ..." آلا إن سلعة الله غالية ، آلا إن سلعة الله الجنة".
يقول الله تعالى :" أفحسبتم أن تدخلوا الجنة ولمَّا يعلم الله الذين جاهدوا منكم ويعلم الصابرين".

وقال رسول الله صلى الله عليه وسلم:" حفت الجنة بالمكاره وحفت النار بالشهوات".
يقول شيخ الإسلام بن تيمية – قدس الله روحه-:" إن في الدنيا جنة من لم يدخلها ، لم يدخل جنة الآخرة .. آلا وهي جنة الإيمان".

إخواني .... إن الرجوع إلى الله بصدق وإخلاص وإنابة هو الحل الوحيد لجميع مشاكلنا وأزماتنا ... والبعد عنه هو سبب كل شقاء وسبب كل تعاسة في الدنيا والآخرة.

يقول الله تعالى:" فَمَنِ اتَّبَعَ هُدَايَ فَلَا يَضِلُّ وَلَا يَشْقَى "
ويقول أيضا: ((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى * قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيرًا * قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى)).

الضنك : هي المعيشة المليئة بالمشاكل والأزمات والقلق والاضطراب وكل أنواع الشقاء.
إخواني...... قوموا إلى جنة عرضها السموات والأرض أعدت للمتقين.
الجنة فيها ما لا عين رأت ولا أذن سمعت ولا خطر على قلب بشر

إخواني ...... فلنجعل رمضان بداية حقيقية للصلح مع الله، والصلح مع شرع الله، والصلح مع هدي نبينا محمد صلى الله عليه وسلم. فلقد جربنا المعاصي فوجدناها لا تسمن ولا تغني من جوع، فلنجرب الطاعات ولنجرب حقيقة القرب من الله وننظر هل تفيد أم لا.

إخواني ...... لا تنظروا إلى صغر المعصية وتقولون هذه صغيرة، بل انظروا إلى عظم من عصينا... نحن نعصى الله الذي خلقنا فسوانا وجعلنا في أحسن صورة.... نحن نعصى الله الذي رزقنا ومنَّ علينا بنعمة الإسلام..... أسألكم بالله هل نجازي من أحسن إلينا بالمعصية ليس هذا فحسب بل بالجهر بالمعصية. ؟!!!!! فإنا لله وإنا إليه راجعون

يقول الله عز وجل :" وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ. ". فأين هو الاستغفار؟؟ وأين عدم الإصرار على المعصية؟
و قال رسول الله صلى الله عليه وسلم:" كل ابن آدم خطاء وخير الخطائين التوابون ". فأين هي التوبة؟ وأين هي الإنابة؟ ثم نرجوا بعد ذلك دخول الجنة أنَّى يكون هذا!!!!!!!!!!!!
يقول صلى الله عليه وسلم:" كل أمتي معافى إلا المجاهرون".

تعصي الإله وأنت تزعم حبه هذا لعمري في القياس بديع
لو كان حبك صادقا لأطعته إن المحب لمن يحب مطيع
في كل يوم يبتديك بنعمة منه وأنت لشكر ذاك مضيع

إخواني........... الكل يدعي محبة الله.... الكل يدعي محبة رسول الله ... فأين الدليل على هذا الحب؟!!! وكيف نُثبت لله أننا نحبه؟!!

إخواني .......... لابد أن يكون للمسلم في رمضان برنامج يومي لا ينفك عنه حتى لا يدع نفسه للأهواء تتلاعب به كيفما تشاء. كما أنه لابد أن يملأ أوقاته كلها في طاعة الله ولا يدع الفراغ يسيطر عليه.وهذا البرنامج لابد أن ترتب له من يوم الجمعة حتى تدخل رمضان ومعك هذا البرنامج. وهذا نموذج افتراضي لبرنامج اليوم في رمضان موزع ما بين قراءة قرآن وذكر وقيام وسماع وقراءة موضوعات حول رمضان وفضائله.

الاستيقاظ يكون قبل صلاة الفجر بساعة أو نصف ساعة، يقوم المسلم فيتوضأ ويصلي ما شاء الله له أن يصلي أو يقرأ القرآن. يقول الله تعالى :" وقرآن الفجر إن قرآن الفجر كان مشهودا". ويقسم الله عز وجل في كتابه بالفجر ويدل هذا القسم على عظم المحافظة على صلاة الفجر وقرآن الفجر. وقال رسول الله صلى الله عليه وسلم :" ركعتي الفجر خير من الدنيا وما فيها. وبعد صلاة الفجر إن كان هناك متسع من الوقت يكفي للنوم فينام حتى موعد العمل، وإن لم يكن فيستغل هذا الوقت في قراءة القرآن. ثم يأتي للعمل ويستغل الوقت الذي هو بين خروجه من المنزل إلى وصوله العمل في قراءة أذكار الصباح. ويكره قراءة القرآن أثناء العمل لأن هذا الوقت ليس ملكك وإنما ملك العمل الذي تأخذ عليه أجر في نهاية الشهر فلا يجوز استغلال هذا الوقت لمصلحة شخصية إلا بعد موافقة صاحب العمل " هذا والله أعلم ".

ثم بعد ذلك يخرج من العمل إلى المنزل فيستغل الوقت من العمل إلى المنزل في الأذكار وكثرة الاستغفار بدلا من قراءة القرآن في المواصلات. لأن العلة والحكمة من قراءة القرآن التدبر والخشوع والفهم وهذا لا يأتي في وسائل المواصلات المليئة بالضجر والصخب والأصوات العالية وعدم التركيز لأنك ستنظر إلى هذا الشخص مرة وإلى آخر مرة أخرى وهكذا يتم تشتيت الفكر فلا تحصل على النتيجة المرجوة من قراءة القرآن. " هذا والله أعلم". وعندما تصل إلى المنزل تبدأ في قول أذكار دخول المنزل. ثم تتوضأ وتستعد لصلاة العصر. وبعد صلاة العصر تبدأ في قراءة القرآن حتى تتنهي من الجزء المخصص في هذا الوقت. وقبيل المغرب بنصف ساعة تستمع إلى شريط يتحدث عن فضائل الصوم أو تقرأ كتاب عن الصوم وفضائله.

وهناك كتيب قيم جدا اسمه " مجالس رمضان " للعلامة محمد بن صالح العثيمين. ثم بعد ذلك الإفطار على تمر أو ماء أو لبن مطابقة للسنة. ثم صلاة المغرب ثم أكل شيء قليل جدا، وأحذركم ونفسي من الأكل الكثير في هذا الوقت حتى لا نصاب بالتخمة والملل والتكاسل عن صلاة العشاء والتراويح. ثم الذهاب إلى المسجد لصلاة العشاء والتراويح ويفضل المسجد الذي يقرأ الإمام فيه بجزء كامل وصوته حسن. وبعد صلاة التراويح نذهب إلى المنزل فنجلس مع الأهل ليس أمام التلفاز والمسلسلات ولكن أمام طاعة الله، ثم بعد ذلك قراءة ما تيسر لك من القرآن ثم النوم في حدود الساعة الحادية عشر حتى نستيقظ قبيل صلاة الفجر.

إخواني....... أحذركم تحذير شديد جدا من الجلوس أمام المسلسلات من أول يوم حتى لا تجذبك وتستثير فيك حب التطلع للحلقة القادمة.

توصيات لابد من اتباعها.
1- التدرج في الطاعات. فإن النفس تمل سريعا والنفس تكره أن تلزمها بأشياء كثيرة، ولكن عوّد النفس على الطاعة رويدا رويدا حتى لا تضجر ولا تدخل رمضان بكل قوتك في الطاعات، فسوف تضعف من ثاني أسبوع في رمضان وستجد نفسك في نهاية رمضان متكاسلا حتى عن الصلوات المفروضة.

2- لا تأكل إلا بعد صلاة التراويح قال إبراهيم بن أدهم:" إذا ملئت المعدة ، نامت الفطنة ، وقعدت الجوارح عن العبادة".

3- لابد أن يكون غدك أفضل من اليوم، يعني إذا قرأت اليوم جزء فقط. فغدا تقرأ جزء وربع مثلا وهكذا حتى تستطيع من قراءة أكثر من ثلاثة أجزاء في اليوم. وهذا هو التدرج في الطاعات.

4- خذ هدنة مع التلفزيون تماما فليس لديك وقت في رمضان للجلوس أمام التلفزيون.

هذا النموذج افتراضي وعلى كل مسلم أن يعمل برنامج يومي على حسب حياته ومعيشته ولكن يجب أن يشمل البرنامج على قراءة القرآن وصلاة القيام ولو على الأقل ركعتين وعلى أذكار الصباح والمساء وعلى كثرة الاستغفار والذكر وعلى التدبر والتأمل في نعم الله علينا. هذا والله المستعان وعليه التكلان.

" ألم يأن للذين آمنوا أن تخشع قلوبهم لذكر الله"
" اللهم أغفر لنا تقصيرنا في الدعوة إليك وفي التبليغ عنك، ولا تؤاخذنا بما نسينا أو أخطأنا، إنك نعم المولى ونعم النصير".
أسألكم بالله أن تدعوا لي بظهر الغيب لعل الله أن يغفر لنا جميعا اللهم أعنا على صيام نهار رمضان وقيام ليله وأقبله منا يا ارحم الراحمين

ملحوظة : هذا الموضوع بعث لي على برنامج المحادثة بالشركة وقمت بنشره لتم الفائدة وكل عام وأنتم بخير

كل عام وأنتم بخير

2009-07-24T22:58:00.003+03:00

أولا كل سنة وانتم طيبين بمناسبة شهر شعبان وقرب حلول شهر رمضان المبارك .. ربنا يجعلها اايام مباركة على الجميع يارب .. وثانيا متشكرة جدا لك الي سئل عليا سواء كان بالتيلفون أو بالايميل أو حتى سئل عليا ناس يعرفوني وعاوزة أطمنكم أني بفضل دعائكم بقيت في احسن حال... وبجد وجود كل الاصدقاء الاوفياء في حياتي والله بيفرق معايا كتير.

وهسيبكم بمناسبة الايام المباركة دي مع الموضوع ده ويارب ينفعني وينفعكم بيه ويجعله في ميزان حسناتنا قولوا امين

ورد في الأثر قول :"إِنَّ لِرَبِّكُم في أيَّامِ دهركم لَنَفَحَاتٍ، أَلاَ فَتَعَرَّضُوا لَهَا".. وها هى الأيام والشهور تمر بنا ونتعرض لنفحة طيبة من هذه النفحات وليست نفحة واحدة بل نفحات ، ففي هذه الأيام نحتفل بقدوم شهر جليل ، إنه شهر "شعبان" الذي يهل علينا بالخير والطاعات ,شهر يستعد فيه الصالحون ويتسابقون فيه ,ويراجع فيه العاصون أنفسهم ,ليتوب الله على من يريد أن يتوب عليه .

شهر قال عنه رسول الله-صلى الله عليه وسلم- "ذاك شهر يغفل الناس عنه بين رجب ورمضان وهو شهر ترفع فيه الأعمال إلى رب العالمين وأحب أن يُرفعَ عملي وأنا صائم"·

سمى الشهر الكريم بهذا الاسم ,لأن العرب كانوا يتشعبون فيه لطلب المياه ، وقيل تشعبهم في الغارات ، وقيل لأنه شَعَب أي ظهر بين شهري رجب ورمضان ، ويجمع على شعبانات وشعابين .

ويرجع السبب لتفضيل هذا الشهر الكريم كما فسره بعض العلماء إلي سببين :
الأول: وقوع هذا الشهر الكريم بين شهرين عظيمين :شهر الله الحرام "رجب "وشهر الصيام "رمضان "ومن ثم يكون كثير من الناس في غفلة عنه ,وتكون طاعة الله وقت غفلة الناس أشق على العبد الصالح, فإذا كانت الناس في طاعة الله عز وجل تيسرت الأعمال الصالحة على العباد وأما إذا كان الناس في غفلة ومعصية تعسرت الطاعة على المستيقظين وهذا معنى قول النبي-صلى الله عليه وسلم- "إنكم تجدون على الخير أعوانا وهم لا يجدون"·

ثانيا: يرجع تفضيل هذا الشهر العظيم لفضل الصيام فيه وهو ما ذكره النبي-صلى الله عليه وسلم- بقوله "هو شهر ترفع فيه الأعمال إلى رب العالمين وأحب أن يرفع عملي وأنا صائم"·
ولذا فيجب علينا أن نستثمر هذا الشهر الكريم ونجتهد فيه حتى إذا أظلنا رمضان أصبحنا أكثر اجتهادا وأكثر قدرة علي طاعة الله، فعلينا أن نقتد بسنة الحبيب المصطفى فيما كان يفعله مع حلول هذا الشهر العظيم.

وفى السطور القادمة نستعرض سوياً أكثر ما كان يحرص عليه الرسول في هذا الشهر :

ــ الصوم: فقد كان من أكثر الأعمال التي يحرص عليها الرسول الكريم في شهر شعبان ،ففي روايةٍ لأبي داود عن عائشة- رضي الله عنها- قالت: "كَانَ أحَبّ الشّهُورِ إلَى رَسُولِ الله- صلى الله عليه وسلم-ُ شَعْبَانُ فكان يكثر الصيام فيه ثُمّ يَصِلُهُ بِرَمَضَانَ". صحَّحَه الألبانيّ انظر صحيح سنن أبي داود، ‏وإنَّ من الاقتداء برسولنا صلى الله عليه وسلم أن نحب ما أحبه رسول الله.

وعن عائشة رضي الله عنها قالت: "كَانَ رسولُ اللهِ يَصُومُ حتى نقول: لا يُفْطِر، ويُفْطِر حتى نقول: لا يَصُوم، وما رأيتُ رسولَ اللهِ استَكْمَلَ صِيامَ شَهْرٍ إلاَّ رمضانَ، وما رَأيتُه أكثر صيامًا منه في شعبان" (رواه البخاري ومسلم) وفي رواية لمسلم:"كَانَ يَصُومُ شَعْبَانَ كُلّهُ، كَانَ يَصُومُ شَعْبَانَ إِلاّ قَلِيلاً"، الله: كان صيامه في شعبان تَطَوَّعًا أكثر من صيامه فيما سواه وكان يصوم معظم شعبان.

وترجع فوائد الصيام في شهر شعبان إلي أنَّ صيامه كالتمرين على صيامِ رمضان لئلا يدخل في صوم رمضان على مشقة وكلفة، بل يكون قد تمرَّن على الصيام واعتاده فيدخل رمضان بقوة ونشاط.

ــــ المحافظة على الصلوات الخمس في جماعة: وقد تعددت الأحاديث التي ذكرت لنا فضل المحافظة على صلاة الجماعة والترهيب من تركها مع القدرة عليها، فعن ابن عمر- رَضيَ اللَّهُ عَنهُ- أن رَسُول اللَّهِ- صَلَّى اللَّهُ عَلَيهِ وَسَلَّم- قال: "صَلاةُ الجَمَاعَةِ أَفْضَلُ مِن صَلاَةِ الفَذِّ بِسَبْعٍ وَعِشْرِينَ دَرَجَة" (مُتَّفَقٌ عَلَيهِ) والفَذّ أي المنفرد، يقال: فَذَّ الرجل من أصحابه إذا بَقِيَ منفردًا وحده .

ـــ قراءة القرآن وختمه وحفظه ومراجعته: وبما أن شعبان يأتى كمقدمة لرمضان فإنه يكون فيه شيء مما يكون في رمضان من الصيام وقراءة القرآن والصدقة، قال سلمة بن سهيل كان يقال: شهر شعبان شهر القُرَّاء، وكان حبيب بن أبي ثابت إذا دخل شعبان قال: هذا شهر القُرَّاء، وكان عمرو بن قيس المُلائي إذا دخل شعبان أغلق حانوته وتفرَّغ لقراءة القرآن.

وهذا من أعظم أبواب الخير، وله من الفضل والأجر الكبير عند الله عزَّ وجل، فعن عَبْدِ الله بنَ مَسْعُودٍ قال: قالَ رَسُولُ الله- صلى الله عليه وسلم-: "مَنْ قَرَأَ حَرْفَاً مِنْ كِتَابِ الله فَلَهُ بِهِ حَسَنَةٌ وَالْحَسَنَةُ بِعَشْرِ أَمْثَالِهَا لاَ أَقُولُ آلم حَرْفٌ، وَلَكِنْ أَلِفٌ حَرْف ولامٌ حَرْفٌ وَميمٌ حَرْفٌ"، رواه الترمذي وقال: هذا حديثٌ حسنٌ صحيحٌ .

ـــ الدعاء لقبلة المسلمين الأولى: ففي شهر شعبان كان تحويل قبلة المسلمين من المسجد الأقصى إلى المسجد الحرام {قَدْ نَرَى تَقَلُّبَ وَجْهِكَ فِي السَّمَاءِ فَلَنُوَلِّيَنَّكَ قِبْلَةً تَرْضَاهَا فَوَلِّ وَجْهَكَ شَطْرَ الْمَسْجِدِ الْحَرَامِ وَحَيْثُ مَا كُنتُمْ فَوَلُّوا وُجُوهَكُمْ شَطْرَهُ} (البقرة: من الآية 144)، ولا أقل ونحن نرى ما يحدث للمسجد الأقصى أولى القبلتين أن نتذكره ولو بالدعاء أن يعيده الله لنا وأن يحرره من أيدي اليهود المغتصبين.

ـــ التعود على قيام الليل: فكثير من المسلمين لا يحرص على قيام الليل إلا في رمضان، ومَن يحرص عليها في رمضان يجد في الحرص عليها مشقة كبيرة، وأرى أنَّ سبب ذلك هو عدم التعود على القيام في غير شهر رمضان، وحين تُفاجئنا صلاة القيام في رمضان نجد مشقةً كبرى في المحافظة عليها، ولو أنَّ أجسامنا تعودت قبل رمضان وطوال العام على صلاة القيام مَا وجدنا مشقةً في المحافظة عليها في رمضان، فلا أقل من أن تحرص على صلاة القيام في شعبان من باب التعود على القيام قبل رمضان، ولو بركعتين خفيفتين في جوف الليل.

ــ إصلاح ذات البَيْن: فكما سبق في الحديث أنَّ شهر شعبان هو الشهر الذي تُعرض فيه الأعمال على الله عزَّ وجل، فأَحَبَّ النبيُّ- صلى الله عليه وسلم- أن يكون على حالة من الطاعة وقت عرض الأعمال على رب العالمين، وهذا فيه لَفْتٌ لأنظار الأمة من بعده في هذا الشهر الكريم أن يحاول المسلم أن يكون على أكمل حال من الطاعة في شهر شعبان وقت عرض الأعمال على الله عزَّ وجل، وهذا مدعاة أن ينظر الله إليه نظرة رحمة ومغفرة إن كان من تقصير في أعماله المعروضة على رب العالمين، ولا شك أن إصلاح ذات البين وإنهاء الخصومات من أكبر الطاعات المطلوبة خصوصًا في هذا الشهر الكريم؛ وذلك لما لها من فضل كبير، فعَنْ ‏أَبِي الدَّرْدَاءِ ‏قَالَ: ‏قَالَ رَسُولُ اللَّهِ- ‏صَلَّى اللَّهُ عَلَيْهِ وَسَلَّمَ-:"‏أَلا أُخْبِرُكُمْ بِأَفْضَلَ مِنْ دَرَجَةِ الصِّيَامِ وَالصَّلاةِ وَالصَّدَقَةِ"؟. قَالُوا: بَلَى. قَالَ: "صَلاحُ ‏ ‏ذَاتِ الْبَيْنِ؛ ‏فَإِنَّ فَسَادَ ‏ذَاتِ الْبَيْنِ ‏هِيَ الْحَالِقَةُ" (رواه الترمذي).

ونهاية أقول لك أخي المسلم وأختى المسلمة مضى رجب وما أحسنت فيه و ها هو شهر شعبان المبارك ، "افق يامضيع الأوقات جهلا ... فسوف تفارق اللذات قسراً .... ويخلي الموت كرهاً منك دارك تدارك ما استطعت من الخطايا بتوبة مخلص ... واجعل مدارك على طلب السلامة من جحيم ... فخير ذوي الجرائم من تدارك"........ وكل عام وانتم بخير .

عيد زوووووووواج سعيد

2009-06-27T13:59:00.004+03:00

زي اليومين دول السنة الى فاتت كان يوم 27/6 موافق يوم جمعة وفي تمام الساعة الرابعة كنت بحتفل بزواج بنتي

الصغنونة وأختي وحبيبة قلبي أوشا واهي الأيام بتمر سريعا والبنوتة الصغنونة الي كنت بحتفل بجوزاها بحتفل النهاردة

بمرور اول سنة على جوازها وهي منتظرة مولدها السعيد الي ربنا يجبهولها بالسلامة "حمادة"...واهي البنات بتبقى أمهات .

عقبال ميت سنة يااوشا ياروح قلبي وكل سنة وأنتي بالف خير أنتي وجوزك وحبكم بيزيد في قلوب بعض وكل سنة

وجوزك أخ اكبر ليا وكل سنة و الحب مابنكم وكل سنة والخير مالي بيتكم وعقبال يارب السنة الجاية وحمادة في وسطيكم

ومالي عليكم بيتكم بالسعادة وتكوني سعاتها بتحضري لقدوم مريم بأذن الله ... كل سنة وانتي في حب وسعادة وخير وسرور ياروح قلبي يأوشا

ادي الزين ..وادي الزينة

2009-06-10T15:18:00.008+03:00

والله ما عارفة ااقول ايه ولا أكتب أيه بجد الفرحة مش مخلية أي كلام عارفة أطلعه... مع ان الكلام ده شغلنا بس في وسط المشاعر الحلوة بتقف الكلمات وبتعجز عن الخروج ، سيتم بحمد الله عقد قرآن مرمر صاحبة مدونة على الطريق على سمسم صاحب مدونة بيتنا القديم يوم السبت الموافق 20/6 بمسجد الفتح في ميدان رمسيس في تمام التاسعة مساء والدعوة عااااااااامة

مبروك ياأميرة يا صديقة مايقرب من العشر سنوات .. مبروك ليكي ياحبيبتي ان حلمك أكتمل وربنا هيجمعك مع نصفك الاخر الي قبل ما يكون زوج ليكي هو أخ أكبر لينا بطيبته وجدعنته وحنيته على كل الي حواليه ..يارب يتم فرحتك على خير يارب .. فاكرة يامرمر زي اليومين دول السنة الي فاتت تقريبا كان الموضوع لسة بيبدء صحيح مكنتش أول بداية هههههههههههه ... لكن ادينا ربنا اكرمنا و بنينا السد العالي

سمسم يأخ أكبر لينا ... أميرة تحافظ عليها تحطها في عنيك عارفة واثقة والله أنك مش مستني كلام أي حد.. حبك ماشاء الله لاقوة الا بالله واضح لينا كلنا على مرء ومسمع من الجميع.. لأنه موقفش عند مجرد الكلام وظهر للجميع ماشاء الله في كل الي عملته علشان خاطر مرمر ... والافعال فعلا أكبر دليل على بلورة الحب لأنها فعلا بتجسد معنى الحب الي جاء في القرآن وهو المودة ...المتمثلة في ترجمة المشاعر لإفعال وليست مجرد الكلام وبس ..و أميرة هتقدر الحب ده وهيكون بأذن الله الصخرة إلى هتتكسر عليها كل ماتحمله الايام من اشياء لاتروق لكم

مرمر يا صديقة الثانوية والكلية والعمل ... سمسم تحطيه في عويناتك وتغمضي عليه أنتي عارفة طبعا الكنز الي معاكي ..والي ماشاء الله يجمع بين طيبة الأخ وحنية الأب ... عارفة يالمضة هانم اني مش هوصيكي عليه بس بجد ربنا يحفظهولك رجل بمعنى الكلمة إذا قيلت الرجولة فنجدها متجسدة في سمسم ... أدام الله حبك في قلبه ووفقكم الله وملئت السعادة بيتكم وبعد عنكم كل سوء

مبررررررررررررروك ليكم وربنا يسعد قلوبكم بكل الخير وبالرفا والبنين وادي غروووووطة ...لوووووووووووووووووووووووووووووووووووووولي

يانساااء العالم اتعلموااااااااااا

2009-05-31T10:25:00.007+03:00

اولا أزيكم عاملين ايه وحشتوني قوي قوي قوي، بس غصب عني الغيبة دي يعني شوية ضغط شغل بس والله شغل زي العثل لانه مع رئيس سابق كان معانا ورجع لينا تاني شخصية فعلا ماشاء الله لاقوة الابالله المهم بقى الي استفزني للكتابة النهاردة اني قريت خبر حلو عجبني قوي في الصحف ايه هو .

هقولكم اهو.. طبعا أنا مليش في السياسة زي ماانتوا خبرين ولا أنا مع أوباما ولاضده.. المهم بقى بس أنا بصراحة عجبني قوي موقف عملته مدمته وأم بناته وبجد هيخليني لو حبيت تيجي مصر تاني هعزمها على اكلة محشي عنب من اديا مع سلطة زبادي وفراخ بانيه ... أيه بقى الخبر ده هقولكم أهو انا عرفة اني غلسة قوي .. الست ميشيل أطال الله قامتها وزاد في سمرها رفضت تسافر مع جوزها وتيجي مصر ليه ياشوشو يا سمراء البيت الابيض علشان لسة البنتين الحلوين " ساشا وماليا" بيمتحنوا ومش هينفع تسبهم في موسم الامتحانات وتيجي مع أوباما لمصر وتسبهم لوحدهم في ظروف زي دي موقف والله يخيلي الواحد ينحني تقدير ليها على رغم طولي ... لانها على الرغم من منصبها كسيدة أولى للبيض الابيض الا أنها منستش دورها الأساسي كأم ويهمها مصلحة أولادها الي هو دورها الأول والأخير في الحياة .

هتقولولي ليه الموقف ده عجبك هقولكم علشان في ستات اقل منها في منصبها ومستواها التعليمي وبينسوا دايما دورهم الاساسي في الحياة كزوجة وأم ...أنا مش ضد ان يكون للمراة طموحات وعقلية مستقلة ورؤية خاصة في الحياة ده كله من حقها... بس انا ليا رؤية أو وجهة نظر أن الحياة دايما فيها المهم والاهم...أنا شايفة ان عمل المراة مهم بس دورها الاول كزوجة وام أهم ...ويوم ما يكون هناك تعترض بين دورها في الحياة وبين منصبها يبقى الاهم لازم ينتصر على المهم ...

تحياتي ليكي ياميشيل وياريت كل الستات يتعلموا ويشوفوا سيدة البيت الابيض عملت وفضلت ايه عن ايه وبجد انا عند وعدي أنك في الزيارة الجاية لمصر هتلاقي الورق العنب والفراخ البانيه وسلطة الزبادي موجودين ياشوشو بس تيجي ومعاكي اوباما وهعملكم أحلى وأجب ضيافة موووووووووووووواه يا شوشو... ويارب تفرحينا قريب بنجاح "ماليا وساشا" وساعتها ههديلك اغنية "الشاطر يرفع ايده" للانسة ماليا "10 سنوات"... وأغنية " أمورتي الحلوة" للمزمزيل ساشا "3 سنوات"

اللهم لك الحمد

2009-04-25T11:04:00.005+03:00

الهم لك الحمد كما ينبغي لجلال وجهك وعظيم سلطانك .. البوست المرة دي رد على بوست " اللهم بصرني بالحق" والي قلق ناس كتير عليا بس أنا النهاردة بعد ما الحمد لله انتهيت من الموضوع الي كان بيقلقني بما يتوافق معايا ويحقق ليا السعادة قلت أجي أطمنكم عليا .

أنا الحمد لله كويسة جدا واخدت قرار ريحني قوي وده بعد استخارتي الدائمة لله سبحانه وتعالى الي كل مدى بحس بنعمه عليا والي أنا مش أهل لها وأنما لأنه كريم فهو بيعمللني بماهو أهل له ،

الموضوع كان قرار مصيري ولازم اخده وأخد قرار فيه بس الي زود الأمر عليا أني كل أما أخد مشورة حد في الامر من باب " لاخاب من استشار" الاقيه مأيد الموضوع قوي والتأييد ده مش جاي من اي حد ده جاي من أهلي وجاي من اصدقائي المقربين وده الي خلاني لوقت أو اخر اقلق من نفسي وأحس اني مش بأخد قرارت صح... مكدبشي عليكم من باب بري لاهلي قلت خلاص امشي الموضوع مع الاستخارة الدايمة واني اقعد لوحدي كتير ادعي ليه لانه هو بس الي حاسس بيا وبمكنون نفسي ولان الي شيفاه والي بحس بيه مش بحكيه لاي حد أنما هو سبحانه وتعالي حاسس بيا وحاسس بالي جوايا والي بيدور بيا .

المهم علشان مش اصدعكم معايا يشاء القدير العليم أن الامر ينتهي بما يتوافق معايا وزي ماكنت حابة... لا ونعمة ربنا عليا اني اسمع تأييد من الناس الي كانوا شيفين أن رفضي للموضوع مش صح الاقيهم بعد ما الموضوع خلص بيقولولي انتي كنتي صح وكان اختيارك سليم وده كانت فرحة غالية قوي اني الاقي ربنا جبر كسري من ناحية وثبتني على الصح ومن ناحية تاني خلاني اكتر ثقة في قرارتي ، أملي في ربي كبير أنه يدخل الفرح تاني عليا وعلى قلبي لانه هو وحده بس الي عالم بالي جوايا وإلى نفسي فيه وبتمناه منه في كل لحظة .

الخلاصة أن اما الدنيا تضيق بيكم ألجو إليه روحوه لخلقكم قبل أي شي هتلاقوه حنين قوي عليكم وكريم قوي معاكم وحاسس قوي بيكم علشان هو خلقنا مش هيضيعنا وده ثقتي فيه انه مهما تمر الايام مش هيضيعني وهيرجع ليا كل الي فقدته وهيكون كرمه كبير قوي معايا باذن الله.

كن جميلا ترى الوجود جميلا

2009-04-16T11:14:00.007+03:00

ملحوظة: هذا الموضوع نشر في مدونتي السابقة " قلوب حائرة " وأنوه عن هذا لأن اثناء حديثي مع بنوتة بتابع مدونتي لقيتها بتقولي بعد نزول موضوع "طفلي ولست بطفلي" أن الموضوع ده قريته في "قلوب حائرة" قبل كده فضحكت وقلتها اصل أنا وهي واحد قامت قلتلي ازاي فهمتها اني انا صاحبة مدونة " قلوب حائرة" سابقا و "قلب ينبض بالحب" حاليا وأن كل الخواطر الي بكتبها دي كتبتها قبل كده من سنتين ولسة محتفظة بيها على ايملي ، ومن منبري هنا الي كان يعرف قلوب حائرة وقرا حاجات عندها تشبه الي بكتبه هنا فانا وهي واحد .

ندخل بقى على موضوع النهاردة

مر علي وقت كبير دون الحديث عن أى موضوع من مواضيع السيكولوجي بتاعت التخصص اللي درسته مايقرب من خمس سنين ، فجاءة وجدت بداخلي رغبة شديدة في الكتابة والحديث عن أي شي ذو صلة بدراستي ، ومن باب البعد عن التعقيدات وتناول موضوعات تجعل الآخرين في حالة من الملل مني ومن مدونتي ،اخترت موضوع خفيف للحديث عنه وهو " الثقة بالنفس " والذي يتم تعريفه في كتب علم النفس على أنها أحساس الانسان بقيمته وشعوره بذاته وأنه ذو اهمية في حياته وفي حياة الآخرين ،الأمر الذي ينعكس على تصرفاته بصفة عامة لدي أحساس أن في شخص ما يقرأ ويقول لسان حاله ماهذا الكلام الاكاديمي البحت ،نريد المختصر المفيد ،والطريق الميسر للوصول للثقة بالنفس دي ،واختصارا للوقت ورافة بالقارى ،هيا بنا نتحدث عن أبسط الطرق للوصول للثقة بالنفس.

أولا وقبل أن نسير في نقاط وفروع وأشياء من هذا القبيل ..لابد من أن نجلس مع أنفسنا ونصرحها بأننا قادرين على التغيير للأفضل ...كذلك علينا أن نترك أي فكرة قد تكون مسيطرة على تفكيرنا والتي من شأنها تقلل من قدرنا وذلك لسبب جميعنا مسلم به وهو أننا مخلوقين ولم نتحكم في خلقنا ولم نتدخل فيه ..لذلك فليس هناك اى مجال للاعتراض على هذا الخلق علينا أن نحدد هدفنا في الوجود في الحياة والهدف الاكبر في حياتنا هو عبادة الله سبحانه وتعالي فيقول تعالى " وما خلقت الجن والإنس إلا ليعبدون " واذا ما اديت ما عليك من فرائض فهذه خطوة قوية في طريق ثقتك بنفسك .

عليك أن تبحث عن قدراتك الكامنة في نفسك .... وأنك تملك موهبة عالية وعليك من اليوم أن تخرجها ، أبحث عنها باخلاص وستجدها بلا شك فلا يوجد انسان الا ولديه قدرة أو موهبة خاصة

كن على يقين أنك انسان لديك ثقة عالية فعندما تترسخ في عقلك فإنها تتولد وتتجاوب مع أفعالك ... فببساطة الانسان يكون كما هو متصور عن ذاته فاذا ما كنت ترى نفسك انسان قوي ستكون قوي واذا ما نظرت الى نفسك على انك ضعيف فستكون ولن تكون غير ضعيف ، فحب ذاتك ولاتعمل على التقليل من شأنها أنظر اليها كما لو كانت نفس اميرة أو ملك أو زعيم .زلا تعاملها على أنها نفس عبد أو ذليل أو نفس اقل من الآخرين

أن تركز اهتمامك في موضوعات بعينها وتعلم عنها الكثير سواء أكان ذلك عن طريق القرأءة أو الاستماع ،حينها ستستطيع أن تتحدث في شي تعلم عنه الكثير ، الأمر الذي يجذب الآخرين للاستماع اليك ابتعد عن البائسين المتشائمين لانك لن يعود عليك منهم غير الاحباط والاكتئاب و أحرص على مرافقة المتفائلين الإيجابين اجلس مع نفسك من الوقت للاخر وتحدث معاها وتعاهد معها على أن تعيشوا في أمان وسلام داخلي كن على يقين بأنك قادر على صنع القرارت وأنك قادر على رسم حياتك.

لاتجعل في حياتك مكان لكلمات مثل "لااستطيع " "لايمكنني " وأضع محلها " يمكنني عمله " و " أحاول " و" بأذن الله هستطيع " تمسك بمواقفك إذا كنت تعتقد تمام الاعتقاد في صحتها، ولاتتنازل عنها بأى صورة فالتنازل وانت على علم بصحتها ،ماهو الا امر يودي بك الى هزيمة نفسك، لاتعاند مع نفسك وأسمع إلى الأخرين ولا تجعل الغضب يؤثر في قرارتك، أخيرا لاتجعل للهروب في حياتك اى مكان واجعل سلاحك الدائم المواجهة مهما كانت نتائجها ويكفيك شرف التجربة واجعل الله دائما نصب عينيك في السر والعلن وأجعله دائم معك بالمحافظة على طاعته فهو خير حافظا لك

يأهل أسكندرية يا غاااااااااالييين عليا

2009-04-12T14:47:00.017+03:00

ااااااااااااه مهما حكيت ومهما قلت عن جمالها مش هقدر اوفيها حقها، عروووووسة والله عروسة ياولاد .. يوم الجمعة إلى فاتت طلعت رحلة إلى الاسكندرية يمكن دي مش اول مرة اروحها بس المرة دي كانت مميزة يمكن لان المرات الي فاتت كانت في شغل والمرة دي فعلا كانت رحلة ترفيهية .

بس بجد احساس مش عارفة اوصفه من أول مرورنا من البوابة عارفين الاحساس الي بنحسه لما بنشوف حد وحشينه قوي ويقوم واخدنا في حضنه وفجاءة نلاقي نفسنا مش حسين بهموم ولااي شي بيعكر حياتنا ، الاحساس ده حسيت اول ماقعدت على الشاطي أول ما قعدت حسيت زي ما بيكون بيضمني ليه قوي وبياخدني في حضنه بياخد مني احزاني وهمومي وكل الي مزعلني وبيديني فرح وأمل وحب ونشاط ، الاحساس ده محستهوش قبل كده على الرغم اني كنت في اسماعلية من ثلاث أو اربع شهور بس وانا في اسماعلية كنت حاسة اني انا الي بتكلم مع البحر وبحكيله وهو بيسمعني المرة دي وانا قاعدة على شاطي المنتزه حاسة ان الطبيعة الي بتتكلم معايا ميا وهواء وشمس كلهم بيحاولوا يدوني حب وامل ونشاط زي مايكونوا بيلعبوني أو يناكفوا فيا يا بجد فعلا اسكندرية سااااااحرة ولو ربنا امد ليا في عمري مش هتكون اخرمرة الصيف ده وهزورها باذن الرحمن مرات تانية .

كوبري المنتزه الي من فوقه تتجلي عظمة الخالق في رؤية لون البحر الازرق على يمينك والجانب الاخر ترى المياه في لون لبني سبحان الخالق .

مش عارفة ااقول عليها أيه غير زي ما قلت لشيرين رفيقة الرحلة أن استحالة اهل اسكندرية يكون بيجلهم اي امراض نفسية كفاية جمال المدينة والقعاد على الكورنيش وان يكفي لاي واحد زعلان شوية ينزل يتمشي على كورنشها ويلاقي نفسه بقى مفرفش واخر روقان .

اليوم بصراحة من أوله كان رائع بداية من اتصال شوشو بيا بعد الفجر وانها هتفوت تاخدني من حلوان واترحمت من ركوب المترو ووصلونا إلى المهندسين وركوبنا الاتوبيسات والجو العام مع الزملاء الي علاقتنا فعلا تعتبر علاقة اسرية وعلى درجة عالية من المودة الحمد لله، والمنح إلى بتتبعت من ابيه أسامة خطيب البنت أميرة من "أم علي ومصاصات الي طبعا كنت موصياه عليها قبل الرحلة بيومين" وفعلا جبها ووفى بوعده " ربنا مايحرمنا منك يابابا سمسم" ، ووصولا للشاطي والجلوس عليه، وبداية نشاطي في مناكفة خلق الله ، وطبعا مافيش طفل اترحم مني في الرحلة يعني من الاخر الي معاها عيال وناوية تتطلع رحلة انا هطلع فيها تستعوض ربنا في ابنها .

طبعا المناظر الي في المنتزه غنية عن الكلام وبجد دعوة لاي حد مضغوط او مقريف حبتين يطلع اسكندرية يغير جو هيرجع زي الفل ومية فل وعشرتين مش عشرة واحدة وبجد ياغاليييييين عليا يا أهل اسكندرية .

ملحوظة: بعد ما نشرت البوست شوشو الهانم بتاعت ايامنا الحلوة الي هي انتختي بقلها نزلت البوست قامت قالتلي كتبتي انها بعدستي... قمت بصيت لها وقلتلها لا طبعا ....ولان المحرر الشريف لازم يقول المصدرالي واخد منه فأنا قلت أدخل انوه ان الصور دي يا كماعة بعدست شوشو تؤام الروح لأن ممكن قوي ترفع عليا قضية وتقول اني سارقة الصور وتطلب تعويض كبير... قوية ومفترية وتعملها ...اللهم بلغت اللهم فاشهد.

طفلي ولست بطفلي

2009-04-07T11:53:00.004+03:00

طفلي .. نعم اقولها فاأنت طفلي الذي لم يحمله رحمي

قد عودته بنفسي على التدليل والآن اتحمل عنائه

قد اعتاد على ان يستأثر بمشاعري

طفل يعشق ان ينفذ ما يريده وان يحصل على ما يتمناه مني

ويعرف أن حبه نقطة ضعفي فيخطأ محتميا بحبي

يبحث عني وقت فرحه لأشاركه فيه

طفل يشتاق الي في جرحه لأخففه عنه

يأتيني متعب من عمله لاعوضه عن تعبه بحناني

اعتدت على غضبه لاني اعلم انه غضباً وقتي

ثم يأتي الي طالبا عفوي وسماحي

ويحلو له معاملة الاطفال

طفل وما انت بطفل ولكني انا الذي جعلتك طفلي.

أكفلهم بوقتك ... كل سنة وكل يتيم في حنان وحب

2009-04-01T01:10:00.005+03:00

طبعا زي مأحنا عارفين الجمعة الجاية دي أول جمعة في أبريل وزي ماهو متعرف عليه بتكون معروفة بما يسمى بيوم اليتيم ، وبنلاقي في الغالب أغلبية الأسر متوجهة في اليوم ده لدور الأيتام من باب أدخال البهجة والسعادة على نفوس الاطفال الايتام وشراء بعض اللعب والحلويات لهم واصطاحبهم في رحلة خارجية أو عزومات في بيتوهم ، ده كله رائع وأمر أكيد بيدخل السعادة والسرور على نفوس الاطفال ولكن في شي أغلبية الناس ممكن ميكنش واخدين بالهم منه وأنا واحدة من الناس الي قبل ما يكرمني ربي بالعمل مع الاطفال دول لمدة اربع سنين كاخصائية نفسية مكنتش اعرفه.

الا هو أيه أن في أمور بتبقى أهم من الحلويات واللعب بالنسبة للاطفال أنه يشعر أن في حد حريص على السؤال عليه بصفة مستمرة مش مجرد يوم واحد يجي ويزوره في يوم واحد ويفرحه ويرتبط به الطفل ولايراه الا مرة اخرى الا بعد مرور عام، شعور الطفل بأن في انسان بيهتم بامره بيبقى ليه قيمة كبيرة قوي بالنسبة له أن يشعر أن ليه حد يربطه بيه علاقة غير قائمة على مصلحة ده امر رائع بالنسبة ليه ، ممكن كلمة مصلحة دي تخلي البعض يقف شوية ويسال مصلحة ايه هقولكم ايه تفسيرها الاطفال في الدور بيبقوا شايفين ان كل الي حولهم علاقته بيه علاقة نفعية يعني الامهات البديلة الي معاه بيقدموه ليه حنان علشان ده شغلهم كده والمشرفين كمان نفس الوضع ومديرة الدار لانها حريصة على أن تظهر انها قايمة بدورها في رعاية الدار، لكن اما بيلاقوا أن في حد بيهتم بيهم من الخارج وبيحرص على زيارته هو وامره ليه اهمية عنده ده بيرفع عنده الثقة بنفسه الي بيبقى نسبة كبيرة منهم مفتقدنها.

متتصوروش فرحة طفل أو طفلة يتيمة بأن أحد المتكفلين بيه هيجي في زيارة ليها ويقعد ويتكلم معاه ويسالوه عامل ايه في الدراسة وفي حياتك ، أنه يشعر أنه مش جاي علشان ياخد ثواب بس بمجرد انه يضع في ادارة الدار مبلغ باسم الطفل ويمشي من برة برة دون السؤال عليه .

يكفي أني ااقول أن ضمن برامج تعديل سلوكهم انه كانت من المدعمات اننا نسمح ليهم بزيارة كفيل أو الخروج معاه ، والي اي درجة كان بياثر في الطفل لو قلنا له انه في حالة عدم الالتزامه مش هنسمح بزيارة الكفيل ده .

ياريت السنة دي نحتفل بيوم اليتيم بصورة أكتر ايجابية بأننا و أحنا راحيين للاطفال دول نكون في النية أنه هيبقى ليهم زيارة دوريه مرة اسبوعيا او كل اسبوعين أو كل شهر حتى المهم، منهجرش الاطفال دول بجد الاطفال دول محتاجنا محتاجين يشوف العالم من خلالنا، محتاجين نقعد معاهم ويقعدوا معانا يتعلموا منا القيم والعادات والتقاليد في حاجات كتير ممكن نعلمهاليهم من خلال قاعدنا معاهم واحتكاكنا بيهم ، وده صورة من صور الكفالة وهتاخد عليها ثواب حتى لو مش بتملك مال فانت بتنفق من وقتك بالجلوس معاهم والقيام على امورهم الي قال في حقها الرسول أن القائم على امر اليتيم والارملة كالمجاهد في سبيل الله، في كفالة اهم من كفالة الاموال بكتير وسبحان الله قد يون ليس من يملك مالا لكفالة هولاء الاطفال ولكنه يملك علم اوو يملك وقت يجلس مع هولاء الاطفال .. جوايا كلام كتير عاوزة ااقوله بس المشاعر الي هتحسوها مع الاطفال دول اكبر واكتر كل سنة وكل يتيم بخير وكل سنة وحياتهم مليانة بالحنان ... ويريت لو في حد عاوز يضيف اي شي على كلامي ياريت يتكرم بيه في التعليقات وجزاكم الله خير

كن لها محمدًا تكن لك خديجة

2009-03-28T16:32:00.006+03:00

شأني شأن أي بنوتة تحلم باليوم الذي سيجمع الله بين قلبها وقلب من أحبته تحت ظلال سنة الله ورسوله ..ولكن مع التزايد المستمر لمعدلات الطلاق ،وارتفاع عدد القضايا المنتظرة على ارفف محكمة الأسرة ...أخافني الأمر كثيرا ، وجعلني أفكر في السبب وماهو هذا الدخيل الذي يحطم قلب قد جمع اثنان بحبه ليصل بهم إلى نهاية الطريق ...موضوع أخافني بشدة ، ونظرا لإيماني بأن اى مشكلة ليها حل في كتاب الله و سنته .

فأردت أن أرى حياة الرسول في بيته ، وماهو النهج المتبع ...وقبل أن أرى من يحدق فيا ويقول يا أستاذتي لسنا رسل ...هسرع وأجيب من تلقاء نفسي بأننا لسنا بالرسل فعلا ...ولكت يا ترى لماذا أرسل الله الرسل ألا ليكونوا لنا هدى ونبراس وقدوة نسير على خطاهم ...وألا فلماذا أرسلوا ..فيقول الله سبحانه وتعالي "وما آتاكم الرسول فخذوه وما نهاكم عنه فانتهوا".

وبعد بحثي توصلت لبعض مواقف الرسول الكريم في بيته ...وقبل أن يخرج لي قارى من الشاشة ويقول لي لماذا لم تأتي بتصرفات ازواج الرسول في البداية ...أسرع بالإجابة وأقول لان الرجال قوامون على النساء وفي بوست أخر سوف اأتي بتصرفات زوجاته فيما بعد .

تعالوا معي ننظر لحال الرسول ، أثناء عودته من أحدى الغزوات وقياس عليه حال أزواجنا وهما راجعين من العمل ...تعالوا لننظر كيف حال القائد الباسل وإثناء رجوعه من أحدى غزواته ...يطلب صلوات ربي عليه وسلامه من القافلة أن تسبقه،لماذا لماذا تريدوا أن تعرفوا لماذا ليدلل زوجته عائشة أنه يريد أن يسابق زوجته يريد إن يدخل على قلبها الفرحة ...فالقائد في المعركة منذ ساعات الآن الزوج المحب الحاني المعطاء

وعلى الرغم من كل المسئوليات التي يتحملها الرسول الكريم ،إلا انه لا ينس حقوق زوجاته عليه ،فيعاملهم بمنتهي الرقة والحب ولما يقلل أبدا منهم ،فهو القائل في حديثه الشريف "النساء شقائق الرجال " ويستدل من حديثه الشريف أنه أبدا لم يقلل من قيمتها كما هو مفهوم عند الكثير فهو يضعها في منزلة مساوية له وفي مكانة كبيرة ،ولما لا فهي الأم والزوجة والأخت والعمة والابنة والخالة

وإعلاء لمكانة الزوجة ،ومن أجل الرفعة من مكانتها ، والحث على إدخال الفرحة إلى قلبها ، بين الرسول لأمته أن اللهو واللعب مع الزوجة مما يثاب عليه الرجل ، بل لا يعد من اللهو أصلا: ففي حديث عطاء بن أبي رياح قال: رأيت جابر بن عبد الله وجابر بن عمير الأنصاريين يرميان فمل أحدهما فجلس فقال الآخر سمعت رسول الله صلى الله عليه وسلم يقول: ( كل شيء ليس من ذكر الله فهو لغو ولهو إلا أربعة خصال مشي بين الغرضين وتأديبه فرسه وملاعبته أهله وتعليم السباحة)

وقد بلغت رقة النبي الشديدة مع زوجاته أنه كان صلوات ربي وسلامه عليه يخشى عليهن حتى من إسراع الحادي في قيادة الإبل اللائي يركبنها، فعن أنس رضي الله عنه أن النبي (صلى الله عليه وسلم ) كان في سفر وكان هناك غلام اسمه أنجشة يحدو بهن (أي ببعض أمهات المؤمنين وأم سليم يقال له أنجشة، فاشتد بهن في السياق، فقال النبي (صلى الله عليه وسلم ) "رويدك يا أنجشة سوقك بالقوارير".. (رواه البخاري

وفي الوقت الذي يرى فيه بعض الرجال أن مجرد ذكر اسم زوجته أمام الآخرين ينقص من قيمته ، نجد رسولنا الكريم يجاهر بحبه لزوجاته أمام الجميع. فعن عمرو بن العاص أنه سأل النبي (صلى الله عليه وسلم ) :"أي الناس أحب إليك. قال: عائشة، فقلت من الرجال؟ قال: أبوها". (رواه البخاري)

ولم يكن الحال مع عائشة فقط ، ففي موقف آخر تحكي لنا السيدة صفية بنت حيي إحدى زوجات الرسول : "أنها جاءت رسول الله (صلى الله عليه وسلم ) تزوره في اعتكافه في المسجد في العشر الأواخر من رمضان، فتحدثت عنده ساعة، ثم قامت لتنصرف، فقام النبي (صلى الله عليه وسلم ) معها يوصلها، حتى إذا بلغت المسجد عند باب أم سلمة مر رجلان من الأنصار فسلما على رسول الله (صلى الله عليه وسلم )، فقال لهما: "على رسلكما، إنما هي صفية بنت حيي". (رواه البخاري) . وبرومانسية المحب وحنان الزوج.

و يحكي لنا أنس بن مالك رضي الله عنه أن جاراً فارسياً لرسول الله كان يجيد طبخ المرق، فصنع لرسول الله (صلى الله عليه وسلم ) طبقاً ثم جاء يدعوه، فرفض سيدنا محمد الدعوة مرتين؛ لأن جاره لم يدع معه عائشة للطعام، وهو ما فعله الجار في النهاية

وحبيبنا المصطفي كان مراعيا للحالة التي عليها المرأة ،في الأوقات التي تكون حالتها النفسية والبدنية مختلفة عن باقية الأوقات ، فعن ميمونة رضي الله عنها قالت: " كان رسول الله (صلى الله عليه وسلم ) يدخل على إحدانا وهي حائض فيضع رأسه في حجرها فيقرأ القرآن، ثم تقوم إحدانا بخمرته فتضعها في المسجد وهي حائض". (رواه أحمد

وفي موقف آخر يحاول الرسول الكريم إن يهدأ من الحالة السيئة لإحدى زوجاته ، فقد دخل الرسول ذات يوم على زوجته السيدة (صفية بنت حيي) ـ رضي الله عنها ـ فوجدها تبكي، فقال لها ما يبكيك؟ قالت: حفصة تقول: إني ابنة يهودي؛ فقال : قولي لها زوجي محمد وأبي هارون وعمي موسى.. (الإصابة 8/127

وهكذا نرى كيف يحل الخلاف بكلمات بسيطة وأسلوب طيب. رفيق بنسائه وفي وقت يخجل كثير من الرجال من مساعدة زوجاتهم معتقدين أن ذلك قد يقلل من مكانتهم ،نجد رسولنا الكريم لا يتأخر أبدا عن مساعدة زوجاته ،فقد روي عن السيدة عائشة في أكثر من رواية أنه كان في خدمة أهل بيته. فقد سئلت عائشة ما كان النبي (صلى الله عليه وسلم ) يصنع في بيته؟ قالت: كان يكون في مهنة أهله (أي خدمة أهله) (رواه البخاري

وفي حادثة أخرى أن عائشة سئلت ما كان رسول الله (صلى الله عليه وسلم ) يعمل في بيته؟ قالت: "كان يخيط ثوبه ويخصف نعله ويعمل ما يعمل الرجال في بيوتهم .

وفي وقت الذي ينظر فيه الرجال إلى النساء على أنهن ناقصات عقل ودين ،وانه لا يجب أن يأخذ برأيهن ، ،لم يخجل الرسول الكريم وقائد الأمة العظيم في الأخذ برأي زوجته، ويتجلى ذلك في استشارته صلى الله عليه وسلم لأم سلمة في صلح الحديبية عندما أمر أصحابه بنحر الهدي و حلق الرأس فلم يفعلوا ، لأنه شق عليهم أن يرجعوا ، ولم يدخلوا مكة ، فدخل مهموما حزينا على أم سلمة في خيمتها فما كان منها إلا أن جاءت بالرأي الصائب فقالت : اخرج يا رسول الله فاحلق و انحر ، فحلق و نحر ، فإذا بأصحابه كلهم يقومون بقومة رجل واحد فيحلقوا و ينحروا

في عصر تمتد فيه أيدي الأزواج إلى نسائهم إذا ما أخطاوا ، ننظر إلى حكمة الرسول ورقته ولطفه في التعامل مع نسائه إذا ما حدث أي خلاف بينه وبين زوجاته ، فقد حدث خلاف بين النبي وعائشة ـ رضي الله عنهما فقال لها من ترضين بيني وبينك .. أترضين بعمر؟ قالت: لا أرضي عمر قط "عمر غليظ قال أترضين بأبيك بيني وبينك؟ قالت: نعم، فبعث رسول الله رسولاً إلى أبي بكر فلما جاء قال الرسول : تتكلمين أم أتكلم؟ قالت: تكلم ولا تقل إلا حقاً، فرفع أبو بكر يده فلطم أنفها، فولت عائشة هاربة منه واحتمت بظهر النبي ، حتى قال له رسول الله: أقسمت عليك لما خرجت بأن لم ندعك لهذا. فلما خرج قامت عائشة فقال لها الرسول : ادني مني؛ فأبت؛ فتبسم وقال: لقد كنت من قبل شديدة اللزوق( اللصوق ) بظهري - إيماءة إلى احتمائها بظهره خوفًا من ضرب أبيها لها -، ولما عاد أبو بكر ووجدهما يضحكان قال: أشركاني في سلامكما، كما أشركتماني في دربكما". (رواه الحافظ الدمشقي.

وعندما يشتد الغضب يكون الهجر في أدب النبوة أسلوباً للعلاج ، فلما يمد الرسول الكريم أبدا يده على أي من زوجاته ، فقد هجر الرسول زوجاته يوم أن ضيقن عليه في طلب النفقة.. حتى عندما أراد الرسول الكريم أن يطلق إحدى زوجاته نجده ودوداً رحيماً، فتحكي (بنت الشاطئ) في كتابها (نساء النبي) ذلك الموقف الخالد قائلة عن سودة بنت زمعة ـ رضي الله عنها ـ أرملة مسنة غير ذات جمال ، ثقيلة الجسم، كانت تحس أن حظها من قلب الرسول هو الرحمة وليس الحب، وبدا للرسول آخر الأمر أن يسرحها سراحًا جميلاً كي يعفيها من وضع أحس أنه يؤذيها ويجرح قلبها، وانتظر ليلتها وترفق في إخبارها بعزمه على طلاقها

وحتى في اشد المواقف التي يتعرض لها بيت النبوة ،والتي هزته بقوة الا وهو حادث الإفك ، كان موقف النبي صلى الله عليه وسلم نبراساً لكل مسلم، فتروى السيد عائشة في الصحيحين قائلة: فاشتكيت حين قدمناها شهراً، والناس يفيضون في قول أهل الإفك، ولا أشعر بشيء من ذلك، وهو يريبني في وجعي أني لا أرى من رسول الله صلى الله عليه وسلم اللطف الذي أرى منه حين أشتكي، إنما يدخل رسول الله صلى الله عليه وسلم فيقول "كيف تيكم؟"

وعندما يخطب النبي صلى الله عليه وسلم على المنبر يقول: يا معشر المسلمين، من يعذرني من رجل قد بلغني أذاه في أهلي، فوالله ما علمت على أهلي إلا خيراً.. وحين يتحدث إلى عائشة يقول لها برقته المعهودة (صلى الله عليه وسلم): أما بعد يا عائشة، فإنه قد بلغني عنك كذا وكذا، فإن كنت بريئة فسيبرئك الله، وإن كنت ألممت بذنب، فاستغفري الله وتوبي إليه"، "حديث الإفك مروي في الصحيحين" حتى أنزل الله من فوق سبع سموات براءة فرح بها قلب النبي صلى الله عليه وسلم وعائشة والمسلمون جميع

فرغم المكانة العظيمة والمنزلة الرفيعة التي يتمتع بها الرسول الكريم ،وتحمله لهموم الأمة الإسلامية بأكملها .. فإن رقته في التعامل مع زوجاته تفوق الوصف..فلا تتعلل بمسؤولياتك عزيزي الزوج وكن كما كان محمد لتكون زوجتك كخديجة وعائشة وصفية . ويؤكد العلماء على أنه ليس حسن الخلق مع الزوجة كف الأذى عنها فقط ، بل احتمال الأذى منها، والحلم عند طيشها وغضبها إقتداء برسول الله صلى الله عليه وسلم فقد كانت أزواجه تراجعنه الكلام، وتهجره الواحدة منهن اليوم إلى الليل، وراجعت امرأة عمر رضي الله عنه فقال: أتراجعينني؟ فقالت: إن أزواج رسول الله صلى الله عليه وسلم يراجعنه وهو خير منك

*** أحدى موضعاتي بموقع عملي بشبكة الإعلام العربية "محيط" مزود عليه بعض التعديلات ليتناسب مع مواضيع المدونة http://www.moheet.com/show_news.aspx?nid=125872

اللهم بصرني بالحق

2009-03-23T12:14:00.000+03:00

كتير الإنسان بيبقى واثق في نفسه وفاكر أن قرارته ايا كانت هي دي الصح، وفجاءة يلاقي نفسه تايه مش عارف ايه الصح والغلط

وبيبقى نفسه في اي اشارة تقوله أنت كده صح أو أنت غلط.

أغالبية قرارتي الي اخدتها في حياتي أثبتت ليا الأيام أنها فعلا أنها الصح ولو كنت خدت قرار غير كده كنت هبقى غلطانة ، ويمكن دي من نعم ربنا عليا أنه دايما بيبصرني بالحق .

الا اني اليومين دول متلخبطة مش عارفة أخد أي قرار مش عارفة أنا صح ولا غلط، هل كل الي حواليا صح وأنا الي غلط ولا أن الي ماشية ضد التيار، وبعدين ماهو ده العادي في حياتي دايما بمشي ضد التيار وبتثبت ليا الايام اني صح واني كنت حكيمة وقت القرارت دي اشمعنى المرة دي حاسة اني زي الريشة الي في مهب الريح كلمتين يخلوني يمين وكلمتين يجبوني شمال مش ركزة على حال ، مش عارفة مالي

هل المفروض اني أكون مع راي الاغلبية علشان أكون صح ولا أصر على رأي وقرارتي الي بتمثل حياتي الي انا هعشها ومحدش هيعشها غيري.

مش عارفة حقيقي أيه الصح وأيه الغلط تعبت بقالي فترة كبيرة في حالة من عدم الارتكاز ومش قادرة اخد اي قرار .

في النهاية وقبل اي شي هدعو ربي أن يبصرني بالحق ، وأن يدبر لي فاني لااحسن التدبير قولووا آمين وياريت كل حد يدخل عندي هنا يدعيلي بأن ربي يبصرني بالحق

من وحي مرمر

2009-03-16T14:40:00.000+03:00

قاعدة لابيا ولا عليا يا شباب لقيت البنت الي اسمها مرمر صحبتي الي ورايا بعتالي كلمات أغنية بتاعت الكينج "منيير" وبتقولي أنها تنطبق عليا .

بصراحة كده وملكوش عليا حلفان يعني انا عجبتني الكلام وكررت اسبها هنا شوية واشوف ايه رأيكم هي فعلا تنطبق عليا ولا البنت مرمر بتقرع عليا علشان اروح افرش معاها شقتها أن شاء الله قريب .

الكلمات الي بعتتها الست مرمر كالاتي

قلب فاضى قلب طيب قلب هادى.

قلب كله حنان وعطف يخطفك من الحزن خطف

قلب شارى مش يبيع قلبى غالى ومش رخيص.

قلب لسه فى عز ربيعه بس نفسه فى قلب مخلص.

قلب ناوى يحب حبيبه اد كل الناس ما اتحبوا.

طبعا دي مش كلمات الاغنية بالظبط وأنما هي شايفة أن الاجزاء دي تنطبق على حالتي من منبري هنا بشكرك يامرمر ويارب افرح بيكي قريب وتتجوزي انتي وسمسم ، وليكي عليا افرحك بيا قريب بس انتي ادعيلي ياستي انتي وابيه اسامة

كل سنة وأنتو عثاثيل

2009-03-09T09:36:00.001+03:00

كل سنة وأنتوا طيبين يا شوباب بمناسبة المولد النبوي الشريف، وربنا يعيده عليكم بكل خير ، دلوقتي المفروض اننا كمسلمين نقف شوية مع نفسنا عند مناسبتنا الدينية نعمل محاسبة سريعة لنفسنا، يعني مثلا في مناسبة زي المولد النبوي دي محتاجين نقف كده ونسأل نفسنا ياترى عملنا أيه من سنة نبينا ودافعنا عنه بأيه ولا ذكرى المولد ده بالنسبة لينا حلاوة المولد وعروسة المولد ومراجيح وهيصة وبتاع .

كل واحد المفروض يراجع نفسه هل احنا بنطبق في يومنا اد ايه من سنة نبينا الكريم ، بداية من استيقاظنا من نومنا وذهبنا لشغلنا وفي علاقتنا مع بعضنا وفي سلوكيتنا وفي عبادتنا لازم نقف وقفة صح نراجع نفسنا ونراجع حياتنا الي اصبحت اكل وشرب ونوم وشغل وقعدة مع الاصحاب .

تفتكروا لو رسولنا الكريم عايش معانا في حياتنا كان هيرضيه افعالنا ، هيرضيه شباب حياتهم كلهم مابين الشغل " الي في الغالب مش بيتقوا الله فيه " والاكل والشرب والسهر وفاكرلي نفسه ياما هنا ياما هناك فاكر ان دوره في الحياة بيقف لحد كده ، ولو بصينا عليه هنلاقيه عبارة عن كرة مليانة هواء لو تم تفريغها هنلاقيها فاااااااااضية وهو فاكر نفسه أنه الواد" التوت فروت " الي مفيش منه يا ضنايا ، وأن معرفته دينه وواجباته الدينية أشياء ثانوية ولا تهم ماهو الرك على التربية الي مفهماه انه كفايا وجوده في الدنيا وانه السند والضهر احم احم .

و سيدة حجت بيت الله والكذب لايفارق لسانها علاوة على الالفاظ الخارجة الي بتصدر منها وتفترى على الاخرين كلام لم يقال وتقول على السنتهم كلام لم يصدر منهم والاسم حاجة بيت الله ربنا يهدي قبل ما تفارق حياتها على هذا الوضع.

وأب يقارب على انتهاء العقد الثالث من حياته ومش بيركع لله وفاكر نفسه أنه مدام مكفي بيته وبيروح ويرجع من الشغل كده دوره انتهى ، لاوالله كتر خيرك يااخي بتتعب قوي والبني ادميين الي جبتهم للدنيا دول مش هتتحاسب عليهم اما يطلعوا ومش يلاقوك بتركع لله وبالتالي هيبقوا نسخة منك .

وراجل بلغ من العمر عاتيا وسبحته في ايده ربنا يباركله وفي نفس الوقت عنيه على الستات في الراحة والجاية ... لا والله يا شيخ انت زي الفل ربنا يديك على اد نيتك ياااخي .

و واحدة منكدة على زوجات اوالدها لدرجة أنهم بيتمنوا اليوم الي روحها توصل لربها مودعة الدنيا لينعموا بهذه الحياة .

وسائق في الراحة والجاية بيحلف بالطلاق على اساس ان الحلفان بالطلاق دي الماركة المسجلة للرجالة عجبي على الرجااااالة.

وأم لم تتقي الله في تربية أبنائها وأخرجتهم إلى الدنيا معدومي الشخصية يمشون في حياتهم بمخها ويتصرفون وفقا لاوامرها ووفقا لم تمليه عليهم وتحسب أنها تحسن التربية ولا تعلم أنها في الاخر سوف تحاسب عليهم أمام المولى يوم القيامة وتجعلهم في موقف الشفقة من الاخرين لعجزهم عن أخذ القرار في حياتهم

وابنة لا يشغل بالها غير المظاهر بين المكياج واللبس وفلانة قالت وفلانة عادت هي دي حياتها ربنا يهدي علشان بجد النوعية دي اما بيجي عليه اليوم وتكون ام بيكون اولادها نموذج لايختلف عنها كتير بيكونوا ورقة في مهب الريح .

ولا زوجة حياتها كلها اكل وشرب وتودي العيال المدرسة وتجبهم منهم ولو دورت هتلاقيها عمرها ما قعدت مع اولادها تعرفهم ايه الصح وايه الغلط من الاخلاق والدين وفي الغالب دول بيطلعوا نسخ من الامثلة السابقة وعجبي .

نهاية لان الامثلة كتيرة والواحد لو هيتكلم عاوز سنين يحكي ويتكلم على الي مالي الدنيا ، محتاجين نعمل محاسبة سريعة لنفسنا قبل فوات الاوان وبلاش الاصرار على الي احنا فيه لان الاصرار على الغلط مش بيضر غير صاحبه هدانا الله لما فيه الخير لينا ولديننا وكل سنة وانتوا مثكرين ومعثلين خاااااالص مااااااااااالص هااااااااااااالص

النهاردة فرحي ياجدعان .... بيبو فرحاااااانة

2009-02-26T22:24:00.000+03:00

أخيرررررررررررا يا شوباب صدر مولودنا الأول " البنات عايزة ايه " لبدرية طه وبسمة عبد الباسط وخرج للنور اليوم الخميس 26/2/2009 ، في تمام الخامسة والنصف بمكتبة البلد بالتحرير عاوزة اقولكم أنه يوم ماشاء الله لاقوة الابالله كان غاية في الجمال على الرغم من القلق إلى كان جوايا أنا وشريكة الكفاح بسمة حبيبة قلبي كنا رايحين وكاننا داخلين أمتحان والقلق جوانا الا أنه بعد توقيع العقد بدء الهدوء يدخل لنفسنا ، كمان مش عاوزة ااقولكم الدور الي قام بيه الولد أحمد الصباغ فتى المدونات الأول " لقب يالا يا عم أحمد بمليون جنيه " كان أزاي بداية من محاولته تهدئة الجو وبث الطمئنينة في نفوسنا " حلوة بث دي" نهاية بدوره الفطري في التقاط الصور على الفاضي والمليان وبدون أي مقدمات ولا أي مؤشرات تلاقيه بيلقط ليك صور على الفاضي والمليان وانت في أي وضع مش فارقة معاه خالص يابني اسكت مافيش فايدة يبني اقعد بتكلم في مين وحتى لما عمل مداخلة أثناء الندوة كان عاوز يصور وهو بيتكلم.

وطبعا عاوزة ااقولكم تواجد منية النفس " شيرين " صاحبة أيامنا الحلوة " فرق كتير و انها على الرغم من الظروف الي كانت بتمر اصرت تيجي وتشاركني فرحي هي وهدير أختها فرق معاياااااا كتير ربنا يفرحني بيكي يا شوشو يا اختشي قولي يااااااارب ويفرحك بيا قولي امين ياشابة ، كمان كان تواجد البنوتة اللذيذة أسماء رمضان الصحفية بجريدة العالم اليوم وصاحبة صفحة " المدونخانة "، كان ليه أثر كبير قوي في نفسي كفاية بس تبص لوشها الطفولي وصوتها الي كله حيوية ونشاط والي بيبعث عليك الهدوء والتفاؤل ، وكان معاها مدون لذيذ اسمه أحمد فصيل ده تحسه كده أخوك أو حد تعرفه من زمان دول كانوا على قائمة الموجودين ، أما البنت وينكي بقى إلى تعتبر النجمة الذهبية لحفلات المدونين كعادتهها كانت مشرفانا بروحها الحبوبة ومنكفتها في الرايح والجاي، كمان عسقول أه والله عسقول ياولاد عشت وشفته على الرغم من معرفتي بيه عبر عالم المدونات من زماااااااان .

نيجي بقى للكتاب الي كانوا معايا بيوقعوا كتبهم، اسعدني الحظ بمقابلة هبة هاني المسكرة خالص مالص صاحب كتاب ظل راجل التي تتميز بشخصية غاية في الجمال تخليك وأنت لاول مرة بتشوفها نفسك تتعرف عليها وتتكلم معاها حد كده عثل عثل ، كمان هنودة صاحبة كتاب كلام في الحب وأشياء أخرى دي الي طلعت مسكرة قوي وحد عكس ما كنت متصورها خالص بنوتة روحها حلوة وعلى درجة من العقل والحكمة .

في بنوتة بقى كان نفسي اشوفها قووووووووووووي مين دي هقولكم هبة سيد صاحبة كتاب " يوميات أتنين مخطوبين "، من زمان وأنا نفسي أتعرف عليه وحتى أما كنت بكلم الواد ايهاب الشنكوتي أقوله سلملي عليها وأسال عليها كنت بحس اني زي مااكون أعرفها بس عاوزة ااقولكم أنها بنوتة ماشاء الله لاقوة الابالله ربنا يحفظها لاهلها ويكرمها بالخيرر" ده طبعا باثتثناء معيارتها ليا بطولي " البنت عكس الولد اخوها ده خالص بنت عقلة وكمل واخلاق اما الولا ايهاب يا حفيظ ربنا يصبرها عليه ويدي لخطيبته الصبر وطولة البال قولوا أمين .

نيجي للأخ إلى جه بعد أنتهاء الحفل بس طبعا أنا عذرته لانه كان جاي من الشغل وأن عارفة الموصلات عاملة ازاي ، بس مجيته كانت عزيزة قوي عليا مين مين عارفين الولد محمود صاحب مدونة الآلم وآمال وده جه في الاخر بس بجد تواجده اسعدني جدا تحسه كده زي ما يكون حد تعرفه من زمنات وايام .... كمان كان في مدون صغنون كده في السن بتاع 16 أو 17 سنة مش فاكرة اسمه وكان في الصحفي ماجد ابراهيم " الصحفي بالدستور" وده جه في الاخر بسبب شغله ، كمان كان في حسام الهندي الصحفي برضه بالدستور وبص وطل وأيمن فؤاد ده شاب صغنون كده بس شكله دماغه حلوة قوي وعنده افكار تجنن، ومين تاني ااااااه الجميلة ايناس لطفي الي شرفتنا ونورتنا وبرضه كان نفسي اشوفها قوي ، ونهال قاسم زميلتنا في مجلة علي صوتك الي نورتنا بزيارتها والي بجد بحس بصدق احساسها للكل الي حواليها ، وكمان الصحفية هند أمين من مجلة كل الناس ، وكانت منوراني صاحبة مدونة المفقوع مرارتها من حماتها سحر غريب وزوجها استاذ طارق واولادهم الجمال الي وجودهم بجد بيفرق معايا قوي وبياكد ليا معاني حلوة قوي في الحياة ، بالاضافة لهبة إلى شاركتني الفرح بالتليفون وناس كتير اتصلوا بيا وبجد مش عارفة ااقولهم ايه غير أن حب ربنا بيبان ليا قوي انتوا ومعايا ومشاعركم الجميلة الي بتبان دايما، و كمان كان في ناس كتير ماشاء الله بس الاسامي ضاعت للاسف والزهايمر بقى انتوا عارفين السن بقي ...........ههههههههه ، والله أنا كنت سعيدة بكل الي جم وشرفوني ونورني وكل الي قبلتهم والله الفرح الي دخل قلبي النهاردة كان الحمد لله فرح غالي قووووووووووي فرح زاد برؤيتي لناس كنت نفسي اشوفهم قوووووووي وهما عارفين نفسهم ربنا يباركلي فيهم ويجعلهم خير أخوان ليا .

عاوزة أقولكم أن النهاردة كانت الفرحة فرحتين علشان أغلى أنسانة ليا في حياتي لقتها بتتصل بيا وبتقولي أنتي فين بقولها أنتي إلى فين قالتلي انها جنب كنتاكي جيللك متتصوروش فرحي بتواجد أمي في يوم زي ده مش تتعوض أبدا وأنا شايفة الفرح في عنيها صحيح أنا مطلعة عنيها اليومين دول ومش عاوزة أنفذ لها أمنية حياتها الا انها جتلي وهي تعبانة علشان تشاركني يوم زي ده وتكون معايا ربنا يخلهالي وأقدر أنفذ لها أمنية حياتها وأعصر على نفسي ليمونة وافرحها بيا، كمان تواجد مامت بسمة والله كان مسبب ليا فرح شديد وحاسة أن النجاح المبشر للكتاب ده بفضل تواجد امهاتنا الغاليين ربنا يخليهم لينا يارب يارب .

أه صحيح نسيت ااقولكم أني خدت طريحة ممتازة فور دخولي البيت ، لقيت جوز ست أوشا أختي بيتصل بيا وهاتك يا معاتبة يابنتي انتي مش تقولي الميعاد امتى علشان نبقى جنبك ياعم وشغلك ...يا بنتي انتي متعرفيش احنا فرحانين ليكي اد ايه من هنا لهنا وعدته أني أبقى اخدهم معايا مرة تانية ... المرة دي أمتى مش عارفة ... ربنا يخليك ليا ياجوز اختي يارب يارب ويحفظك ليا من كل سوء ويخلي ليا كل الناس الي في قلوبهم حب ليا بحبكم وهفضل احبكم لاخر لحظة في عمري .

أه نسيت أقولكم على شعور حلو قوي حسيته وبسمة بتحضني في نهاية الحفل وهي ماشية ، زي ما اكون عروسة وبتحضن من اصحابي وهما بيدخلوني القفص الذهبي ، بسمة أساسا حنينة قوي بس المرة دي وهي بتضمني ليها حسيت بأحساس غريب قوي مش قادرة اوصفه... مش قادرة ابطل كلام فرحااااااااااااانة قوي ربنا يتم فرحي انا وبسمة يارب يارب قوووووووووووولوا امين

ياولاد بلدنا يوم الخميس ..حفل توقيع البنات عايزة أيه

2009-02-22T16:11:00.001+03:00

أخيررررا وبعد طول أنتظار خرج كتاب البنات عايزة أيه للنور .

وهيتم حفل التوقيع يوم الخميس 26 فبراير من الساعة 5 الى 7
فى مكتبة البلد

كلكم مدعوين الدعوة عامة وهتبقى لامة

أه طيب والعنوان أزاي هقولكم أهو ... برااااحة.

أحنا قلنا حفل التوقيع فين.. في مكتبة البلد والمكتبة دي فين .. قدام الجامعة الأمريكية

نوصل أزاي للجامعة الأمريكية أكيد كلنا عارفين محطة مترو السادات ..ها وبعدين
بنزل محطة مترو التحرير الي هي ( السادات ) وبتخرج من الباب اللى بيطلع قدام الجامعة الأمريكية.

هاتخرج من المترو اتجاه السهم اللي بيقول الجامعه الامريكيه من أمام الجامعه الامريكيه تمشي مع اتجاه هاردز بعد

خطوات هتلاقي ماكدولدز تمشي برضك هتلاقي عماره تحتها كافية سلنترو هي ديه عماره المكتبه
الحفل هيكون للكتب الأتية
البنات عايزة إيه لـ بسمه عبدالباسط وبدرية طه
كلام فى الحب وأشياء آخرى هند السيد
ظل رجل هبه هانى
أشتغل وأنت فى البيت محمد التهامى

نبض الفؤاد

2009-02-05T23:13:00.000+03:00

من قبل حبك كنت اسخر من المحبين
وانظر إليهم كما لو كانوا معتوهين
واشفق عليهم وادعي الهي أن يشفيهم من هذا المرض اللعين
واقول بيني وبين نفسي يا لهم من أناس مظلومين
وادعي لهم في سجودي اللهم اشفهم من مرضهم فانت لهم خير معين
الان الان فقط قد أصبحت من المعتوهين
وادعي ربي الا يشفيني من هذا المرض اللعين
واتضرع الى الهي أن اكون من المظلومين
لماذا لانك قد اصبحت نبض الفؤاد ونور العين

تحديث: كلماتي ماهي الا تعبيرا عن ماتتمناه كل فتاة في كل زمان ومكان

حتى يغيروا ما بأنفسهم

2009-01-16T22:55:00.000+03:00

يقول الله تعالى: ﴿.. إن الله لايغير مابقوم حتى يغيروا مابأنفسهم وإذا أراد الله بقومٍ سوءً فلا مرد له ومالهم من دونه من والٍ ﴾[ الرعد:11

لاني مش بحب اتكلم في السياسة، ولا مجال للحديث فيها الان لان زي ماالمثل بيقول لكل شيخ طريقة وقد أجد من يختلف معي ومن يؤيديني، الا أني سأكون أكثر واقعية وسابعد عن حكاوي لاتقدم شي ولا تأخر ، ولكن ما يشغلني هو شي واحد هو احنا ايه دورنا واحنا بنشوف المشاهد الدموية كل ثانية ، أيه الي عملناه تجاههم، اتبرعنا، قاطعنا... دي كلها امور هايلة جدا وأكيد بتدفعهم للإمام وبتفيد قوي لكن عفوا دي كلها أمور وقتية ، بمعنى أنها بنتهي بإنتهاء أدائها ، ولكن ما نحتاج إليه شي أكثر ثباتا .

محتاجين نظرة على حالنا مع تساؤل بسيط هل حال كل واحد فينا علاقته على ما يرام مع ربه ، هل بينطبق علينا الآية الكريمة (يَا أَيُّهَا الَّذِينَ آمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ) ، هل نصرنا الله حتى يكرمنا بنصره ، نصر الله الذي يتمثل في اتباع ما أمر به واجتناب ما نهى عنه ، بنظرة سريعة على حالنا لانجد أننا ببنصر الله كما يجب حتى يكون النصر من عنده.

كل واحد وواحدة فينا لو كان بيتمنى أن ربنا ينصر أخوانا في فلسطين عليه أنه يعلن أن النصر هيبدأ منه هو وبشي دائم وليس وقتي ، فكيف يأتي لنا واحنا لسة فينا شباب قاعد على القهاوي مستني وظيفة متفصلة ليه ، وبنات لايشغل بالها غير المكياج والموضة ، ورب اسرة لا يقوم بدوره كما أمره ربه ، وسيدة كبيرة حجت بيت الله والكذب على لسانها، وشباب بيلعبوا بعواطف البنات، وأخرين أمام الافلام ... ، وموظف لايتقن عمله ، ومسئول لايتقي الله في منصبه .. أكيد كلنا عارفين قول الفاروق عمر بن الخطاب رضي الله عنه: نحن قوم أعزنا الله بالإسلام فإن ابتغينا العزة بغيره أذلنا الله... بجد كلنا وأنا قبليكم محتاجين ننصر نفسنا علشان ربنا ينصرنا ويثبتنا ... محتاجين نبدأ من الداخل للخارج مش العكس لاننا لو التغيير مجاش من الداخل عمره ما هيجي .

كل سنة وأنتوا مسكرين

2008-12-31T21:28:00.000+03:00

كل سنة وأنتو طيبين بقدوم العام الهجري أولا و الميلادي ثانيا ، بس ياريت بداية العام مش تمر علينا مرور الكرام كده ، محتاجين نقف مع نفسنا وقفة كده ونسالها يا ترى ايه الي كنت رسمه للسنة إلى فاتت دي وربنا أكرمني وحققته ، أيه الي مقدرتش احققه واقف عليه أعرف منه أيه الأسباب الي مخلتنيش اوصل للهدف .

مع السنة الجديدة محتاجين نجدد النية ونبث في نفوسنا الأمل من جديد وندخل السنة واحنا على يقين أن العام الجديد هيبقى أن شاء الله عام فتح علينا في كل شي ، وننوى أنه يكون عام زيادة في الخير وبعد الشر والمعاصي ، وأن عام بداية لتغيير نحو الأفضل بالفعل ، عام بأذن الرحمن يكون بداية لفتح للأمة الي تغييرها هيبدأ مننا يوم ماكل واحد يبدأ من التغيير من نفسه بدل ماهو مستني التغيير الخارجي ، علشاننغير واقعنا بجد محتاجين نتغير احنا من جوانا .

مع بداية السنة الجديدة بتمنى من الله أنه يحقق ليا كل ما أتمنى من قرب منه و يرزقني بر اهلي لان ده بجد أمر مش سهل و يكرمني بتكوين أسرة مسلمة قولولي انتوا بقى بتتمنوا أيه في السنة الجديدة وكل سنة وانتم بالف صحة وسلامة

جاري البحث عن راااااجل

2008-12-13T10:48:00.000+03:00

اولا كل سنة وانتوا بخير وينعاد عليكم بالخير ده أولا ، ثانيا بقى عاوزة ااقولكم شي في ناس كتير غايب عنها ايه هو الشي ده ، استنوا الاول هقولكم ايه سبب اني هتكلم في الموضوع ده النهاردة ... اصلي كنت بتكلم مع بنوتة عسولة خالص مالص اسمها ايه حبيبة دي بقى لسة عرفها من يوم واحد بس كده حاسة زي ما اكون عرفها من زمان قوي زي ما تكون اختي او انتمتي ... المهم يعني واحنا بنتكلم قامت اتلمضت عليا وقالتلي ازاي القمر قاعد كده من غير ارتباط .

قوم ايه قررت النهاردة ابعبع واكتب عن شوية حاجات ، كتير بنتسئل السؤال ده ، يعني بعض الناس فاكرين اننا بنترفع عن الجواز أو اننا بنغالي في طالبتنا أو سوء الاحوال الاقتصادية ... كلا ثم كلا الموضوع أننا نفسنا في راجل بمعنى الكلمة ... ايوة رااااااااااااااااااجل كلامي مش فذلكة أو فلسفة بس فعلا مافيش راجل بمعني الكلمة راجل تحث معاه بالامان، اه سامعة حد بيقولي يعني ايه الامان من مفهوم المراة بص ياسيدي انت وهو الامان انها تحس في كنف راجل بيقضى ليها كل احتياجاتها وده طبعا في حدود امكانياته انها وهي معاه حاسة انه مافيش اي شي سي هيحصل لها وده لانه ضهرها وايه تاني اه واحد بيحبها حب حقيقي ايوة من غير سؤال يعني ايه حقيقي يعني حب بيتعبر عنه خارجيا وداخليا يعني مش مشاعر وبس ... اه قبل ما الاقي حد بيقول اننا ماديين... بس هو ده تعريف المودة الي اتكلم عليها القران وهو التعبيرعن الحب وليس الحب عبارة عن مشاعر وبس وأنما هو بلورة للمشاعر دي في تصرفات كل واحد وحسب التصرفات الي تبين للطرف التاني انه بداخله مشاعر ليه ، وايه تاني معني الرجولة اه ...يعني الواحد الي يفهم طبيعية المراة ويقدر يحتويها احتواء كامل على كافة المستويات ويستحملها في كل ظروفها يعني مش في اوقات السعادة وبس ، وكمان ايه اه واحد يقدر عقلها وانها قادرة على انها تشركه في كل شئون حياته، ويقدر يستحمل علشانها حاجات كتيرة .

يعني من الاخر المشكلة اكبر من كونها ظروف اقتصادية وبتاع ... الموضوع اننا عاوزين نتجوز جواز ابدي يعني عاوزين حد نكمل معانا العمر كله مش على سبيل التجربة ... اه التجربة اصلي اكتشفت كارثة فظيعة على لسان بعض الشباب قال ايه والله لو كانت كويسة ومشيت على العجين متلخبطوش تعيش مكنتش مع السلامة ... ياحلاووووووووة ، الواحدة بقت فار تجارب .. ، يتجرب فيها والطلاق الي ابغض الحلال بقى سهل قوي وبقى عقاب للي مش هتتظبط والله بقت وكسة كبيرة شباب مش عارف يعني ايه معنى كلمة جواز فاكرها رحلة هيروحها يومين تلاتة ولو مش عجبته يرجع منها والله حاجة غريبة ياولاد وحاجة تحرق الدم وتجيب الضغط يالا بلا وكسة ...

شوفتوا بقى ان الموضوع مش موضوع لا احوال اقتصادية ولاموضوع مغالاة في ترتيبات الجواز الكارثة ان الرجولة في سبيلها للانقراض وعلى فكرة انا وكل البنات معدناش بنحب مثل " ضل راجل ولا ضل حيطة " ويالا فوتكم بعافية

وضاع زمن الرقة ياولدي

2008-11-26T16:15:00.000+03:00

كل يوم في رحلتي لعملي بحب اركب عربية السيدات من باب انها مننا وعلينا ويعني لما بنام بصحى وانا مش مخضوضة ولا مضايقة وخصوصا اني من الناس الي بيبقى ليها طقوس في النوم يعني مااحبش حد غريب " الجنس الاخر " يشوفني وانا نايمة .

المهم كبس عليا النوم قوي ومقدرتش اقاومه لاني في الغالب كل اما انام اصحى الاقي نفسي في جمال عبد الناصر واضطر ارجع محطة تاني ، ماعلينا المهم نمت وخير اللهم اجعله خير الاقيني بصحى على صوت غريب زي ما يكون كده صوت الشويش عطية طبعا اتسرعت وعنيا برقت ولقتني مذبهلة ولان الدنيا زحمة فانا مش شايفة مين صاحب الصوت قمت بصيت حواليني علشان اتاكد اني لسة في عربية السيدات ومحدش اخدني لعربية الرجالة واغتلت لقدر الله والحمد لله لقيت كل الي حواليا من نوعي حمدت ربنا وبدأت افوق بقى اشوف ايه مصدر الصوت ده.

بسأل في أيه ياجماعة قالولي واحدة بتتخانق مع واحد ركب العربية غلط المهم أنا بدأت أتابع الحوار بنفسي ولاني مش شايفة مين بيكلم مين بس الي وصلني صوت رجالي بيتكلم باحترام شديد وبيتأسف وصوت نسائي يعلو عليه في الصوت والنبرة الراجل بيتأسف وبيحاول يلم الموقف ودي مش عاوزة تفوت الامر وعمالة تقول كلام غريب قوي من باب انه راكب قاصد وانه بيحب يركب مع السيدات وكلام من هذا القبيل والغريبة اني مش وصلني اي رد فعل من الراجل غير انه عمال يقولها انا مش هرد عليكي وهي دماغها والف بتاع لا رد وانا قادرة اني ارد على عشرة زيك كنت خلاص هشد في شعري وعاوزة اوصل لها وافتح بوقها واشد الاحبال بتاعتها علشان تبطل والحمد لله دخلنا المحطة والراجل نزل وبلاش ااقول ان صورتها كانت قدام الجميع سيئة للغاية وخاصة ان الراجل مغلطش وكان بيحاول يلم الموضوع .

خلاصة الموضوع أن انا دايما شايفة أن الست حتى لو في المواقف الي تحتاج حزم مافيش داعي انها تعامل الراجل بالند ، مش علشانه لاعلشان نفسها وعلشان تحفظ ماء وجهها أصل مش من المفترض ان الراجل لما يلاقي صوتها بيعلي انه يخاف أو انه يلم الموضوع لا بالعكس هي كده بتسفزه انه يتطاول عليها ويورلها يعني لو انتي فاكرة نفسك قوية في الاقوى منك وياريت الموقف هينتهي لكده لا ممكن يوصل الامر انه يتطاول على زوجها او والده وانهم اصحاب شخصية ضعيفة علشان كده طلعوا واحدة بالاسلوب ده .

نهاية في اساليب كتير ممكن ناخد من خلالها حقوقنا من غير علو صوتنا أو أننا نعمل رأسنا برأس الي قدامنا الست ست برضه صوت منخفض ورقة في التعامل ولا التطور كمان وصل لطبيعتنا الي ربنا فطرنا عليها ولا أنتوا أيه رأيكم

قلبي ينبض بحبكم

2008-11-24T15:11:00.000+03:00

لأن الحب أساس لكل العلاقات بمختلف أنواعها وأشكالها ولأن الحب الحقيقي هو الي بيدي للحياة طعم سميت مدونتي بالأسم ده .

لأني هعيش بالحب وفي الحب وللحب حبيت أكون في وسطيكم من تاني في عالم لايجمعه غير الحب وبدون أي مصالح أخرى.
بحبكم